Шахмат – екі адам ойнайтын ежелден келе жатқан зияткерлік ойын. Бұл ойын логиканы, есте сақтауды, стратегияны  және төзімділікті дамытады.

Шахмат  ойынының тарихы Үндістаннан бастау алады. V-VI ғасырларда «Чатуранга» деп аталатын ойын қазіргі шахматтың негізі болды. Кейін ол  парсы, араб елдері арқылы Еуропаға тарады.

Орта ғасырларда шахмат ақсүйектердің ойыны ретінде танымал болған. Осы орайда, аудандық мәдениет үйінде «Саламатты өмір – ұзақ ғұмыр кепілі» атты ардагерлер арасында шахмат пен дойбыдан  іріктеу турнирі өтті.

Жарыстың салтанатты ашылу бөлімінде аудандық ішкі саясат бөлімінің басшысы Қайсар Асқар-ұлы құттықтау сөз сөйлеп, қатысу-шыларға сәттілік тіледі. Аудандық Ардагерлер кеңесінің төрағасы Тілеулес Дүйсебайұлы іс-шараның негізгі мақсаты – ардагерлер арасында саламатты өмір салтын насихаттау, спортқа қызығушылығын арттыру екендігін тілге тиек етті. Спорттық сайысты «Ардагерлер ұйымы» және аудандық мәдениет, тілдерді дамыту, дене шынықтыру және спорт бөлімі ұйымдастырды.

Сайыс ережесімен бас төреші  Серік Оразұлы таныс-тырды. Ойыншыларға 20 минут уақыт берілетіні ескертілді. 19 қатысушы  шахмат пен дойбы ойынына қатысты. Қатысу-шылар санына байланысты айналма немесе швейцар жүйесімен жеке есепте саналды. Сайыс нәтижесі бойынша шахматтан жүлделі I орынды – Хауан Семсерхан,  II орын – Шәріпбек Бурашев, ал III орынға –  Талғат Жанпейісов жайғасты.Ал дойбыдан I орын – Хауан Семсерхан, II орынды – Талғат Жанпейісов пен Серікбай Жыл-қыбаев иеленсе, III орынға Тоқтанбай Өмірзақов пен Әсет Жаныспаев ие болды. Шахмат ойыны бойынша Хауан Семсерхан, Шәріпбек Бурашев дойбыдан  Талғат Жан-пейісов пен Серікбай Жыл-қыбаев облыстық турнирге жолдама алды. Қатысушыларға сәттілік тілейміз!

Жанерке САТЫБАЛДЫ.