Малыбай ауылына қарасты «Алуа» бөбекжай балабақшасында «Айгөлек» мектепалды даярлық тобының тәрбиешілері Э.Қелилова, Г.Избуллаева және дене тәрбиесі нұсқаушысының ұйымдастыруымен «Ғажайып қыс» атты қысқы эстафеталық ойындар өтті.

Бұл тұрғыда бала денсаулығын нығайтуда қыс мезгіліндегі ауа-райының тамаша мүмкіндіктерін пайдалана отырып, бүлдіршіндерге қыс мезгілінің керемет ойын түрлерін үйрете отырып шынықтыру шаралары жүргізілді. Бүгінгі бүлдіршіндер –  ертеңгі еліміздің болашағы, болашақ ұрпақтың дені сау, шыныққан,тәрбиелі, отансүйгіштігі осы бір балауса балғын балабақшадан бастау алары анық. Әр баланың денсаулығына жіті мән бере отырып, сауықтыру шынықтыру жұмыстыры жыл мезгілінің барлық маусымының қолайлы күндерін пайдалана отырып жүргізіледі. Бала денсаулығын дамыту мен нығайтуда жүргізілген іс-шаралардың пайдасы мол. Соның бір мысалы, қысқы таза ауада шанамен ойнау, шаңғымен жүру, аққала жасау сынды қысқы ойын түрлерін үйрете отырып шынықтыру. Қазіргі уақытта бүлдіршіндер мен мектеп жасындағы оқушылардың телефонға тәуелді екені белгілі, соның салдарын алдын алудың негізінде балабақшаның тигізер пайдасы мол. Бүгінгі эстафеталық ойын да бүлдіршіндердің қуана жарысып, асыр салып ойнауына мүмкіндік беріп, балалық шақтарынан тәтті естелік қалдыра білді.

                                                                 Б.САЛМАНОВ,

Малабай ауылы «Алуа» бөбекжай балабақшасының дене тәрбиесі нұсқаушысы.