Құрметті аудан тұрғындары!
Сіздерді 1 наурыз – Алғыс айту күнімен шын жүректен құттықтаймын! Бұл мереке – тағдыр тоғыстырған барша этностардың бір-біріне деген ризашылығы мен құрметінің, татулық пен ынтымақтың айқын көрінісі. Алғыс айту күні – өткенге тағзым етіп, бүгінгі бейбіт өмір мен берекелі бірлігіміз үшін шүкіршілік ететін ерекше күн. Тарихтың қилы кезеңдерінде қазақ жері көптеген этнос өкілдеріне пана болып, бауырына басты. Сол уақыттағы халықтың кең пейілі мен дархан көңілі бүгінде ұрпақтар сабақтастығы арқылы жалғасып, еліміздегі тұрақтылық пен келісімнің берік негізіне айналды. Біздің ауданымызда 54 этнос өкілдері бір шаңырақ астында тату-тәтті өмір сүріп, өңіріміздің әлеуметтік-экономикалық дамуына өз үлестерін қосып келеді. Бірлігіміз бекем, ынтымағымыз жарасымды болса, алынбайтын асу, бағынбайтын белес жоқ. Осы мерейлі күні баршаңызға зор денсаулық, отбастарыңызға амандық, еңбектеріңізге табыс тілеймін.
