Жаңа Конституциялық реформалар – елдің саяси жүйесін жаңғыртуға бағытталған стратегиялық қадам. Қоғам дамыған сайын оның құқықтық базасы да заман талабына сай өзгеріп отыруы қажет. Бұл тұрғыда реформалар билік тармақтарының арасындағы тепе-теңдікті нығайтып, мемлекеттік басқару жүйесінің тиімділігін арттыруға мүмкіндік береді. Сарапшылардың пікірінше, мұндай өзгерістер азаматтардың саяси процеске қатысуын кеңейтіп, демократиялық институттардың дамуына ықпал етеді.
Конституцияға енгізілетін реформалар мемлекеттің институционалдық құрылымын жетілдіру тұрғысынан ерекше маңызға ие. Әсіресе, заң шығару, атқарушы және сот билігі арасындағы өкілеттіктерді нақтылау құқықтық мемлекетті қалыптастыруға негіз болады. Егер бұл өзгерістер жүйелі түрде іске асырылса, басқару сапасы жақсарып, мемлекеттік шешімдер қабылдау үдерісі анағұрлым тиімді болмақ.
Серік Надырбаев,
Есік қаласының депутаты
