Қайырымдылық жасау үшін асып-тасып бай болу керек емес. Ең бастысы жүрегің мейірімге толы, ниетің таза болса жеткілікті. Кез келген кезде адам баласы әртүрлі бағытта көмек қолын соза алады. Біреулер жаны жабырқап жүрген жандарды  жұбатса, екіншілері қиын сәттерде қол ұшын созады. Енді бірі бір нәрсеге мұқтаж болса, соған қол жеткізуге көмектеседі.

Жуырда ауданымыздың мәслихат депутаты, Шелек өңірінің тумасы Аркен Сайдуллаев Балалар өнер мектебіне демеушілік көрсетті. Аркен Аблекимұлынңң өзі: «Өңіріміздегі өнер жолындағы жалғыз мектеп екен, сіздерге қандай көмек жасасам болады, қандай аспаптар қажет, мен алып берейін», – деп өнер үйінің басшысы Сайра Базылбековаға ұсыныс жасапты.

Бұл – өнер мектебінде мұғалімдердің бәрі кәсіби мамандар. Мектепте «Алтын ұя» атты ансамбль құрылған болатын, жаңа домбыра керек болғанын айтыпты Сайра Сыдыққызы. Айтқанын екі етпей домбырашыларға арнайы тапсырыс-пен шебер Тұрдықұловтың  қолыннан шыққан, үйеңкіден жасалған  алты домбыраны тарту етті.

Бұл игі іс – балалардың өнерге деген қызушылығын арттырып, домбыра сыныбының материалдық базасын нығайтуға септігін тигізді.

Анарбек МӨКІШҰЛЫ.