Қазіргі қиын қыстау кезеңде айналасындағыларға қол ұшын беріп, адамгершілік танытып жүрген азаматтарымыз жоқ емес. Олардың есімін үлкен мақтанышпен айтып, жақсылығын жасырып қалмауымыз керек-ақ. «Жақсының жақсылығын айт» демей ме халқымызда. Жастардың өнегелі істен үлгі алып өсуі осындай қарапайым мысалдарға байланысты.

Облыстық мәслихат депутаты, «Шадай батыр» шаруа қожалығының басшысы, Осан Жангелді өз ауылдастарына үлкен сый жасады. Асы ауылдық округіне қарасты Жаңашаруа ауылындағы мектепке 420 мың теңге тұратын антисептикті тунель қондырғысын, аз қамтылған, көпбалалы отбасыларына 8 ноутбук және мектепке қажет кеңсе тауарларын табыстады. Сонымен қатар Асысаға ауылының амбулаториялық емханасына 560 мың теңгеге оттегі концентраторын алып беріп, халықтың алғысын алды. Бұл игі іске 2 млн. теңге қаржысын жұмсаған кәсіпкер ешқашан жақсылық жасаудан тайынбау қажеттігін айтады.

Асия Нуреббаева