Жиында еңбек  ардагері Бақтығали Мұқанов, «Нұр Отан» партиясы аудандық филиалы төрағасының бірінші орынбасары Қуат Байғоджаев тамаша лебізін тәуелсіздігімен танылған елдің азаматтарына арнап, жақсылық тартуды табыс етті. Атап айтқанда, Шелек бастауыш партия ұйымының төрағасы, округ әкімі Есенғали Есенханұлының «Нұр Отан» партиясының, ал әкімшілік партия тобының жетекшісі Ержан Омаровтың ел Президенті Н.Назарбаевтың Алғыс хатымен марапатталуы еді. Сондай-ақ, ардагер Әлібек Жәпекке, Т.Кенжебаев атындағы мектеп директоры Ардақ Қырықбайға аудан әкімінің Құрмет грамотасын, Абай атындағы мектеп жанындағы интернаттың меңгерушісі Айгүл Күлембаеваға Алғыс хатын салтанатты түрде табыс етті. Тәуелсіздіктің тағы бір тартуы – аудандық қорғаныс ісі бөлімінің қызметкері Дмитрий Диденко мен ұстаз Эльмира Ильясқызына Бауыржан Момышұлы атындағы «Батыр шапағаты» медалін кеуделеріне тақты. Тағдыр сыйлаған Тәуелсіздік мерекесі концерттік бағдарламамен жалғасын тапты.

 Х Х Х

Ақтоған ауылының клуб меңгерушісі Камал Тайзақова мен мектеп директорының тәрбие ісі жөніндегі орынбасары Ғайша Мықыбаеваның ұйымдастыруымен Тәуелсіздік күнінің 24 және Желтоқсан оқиғасының 29 жылдығына арнап тарихи танымдық шара өтті.

Кітапханашы Баян Қошақаева кітап көрмесін ұйымдастырып, оқушылар мол мәлімет алды. Желтоқсан құрбандарын үнсіз еске алды. Тәуелсіздік құрметіне Гимн шырқалды. Жиында Қаражота ауылдық округінің әкімі Ерік Рахымбаев, ардагер апа Захида Мамлютова ауылдастарын қазақтың киелі құндылығы – Ел тәуелсіздігі мерекесімен құттықтады. Бас мейрам құрметіне 5 сынып оқушылары «Жас ұлан» қатарына қабылданды. Мектеп оқушылары ән айтып, би биледі. Мерекелік шара Гүлзат Шубаеваның орындауындағы «Қазақ елі» әнімен аяқталды.

Өз тілшіміз.

ххх

Қазақстан ауылдық округіне қарасты А.Н.Бубенцов атындағы орта

мектепте Тәуелсіздік күніне орай оқушылар арасында «Тәуелсіздікке тарту» атты жас ақындар мүшәйрасы өтті.

5-11 сыныптар арасында ұйымдасты-рылған сайысқа оқушылар тың дайынды-пен келіп,  жырдан шашу шашты.  Тәуел-сіздікке  деген  өздерінің жүрекжарды жырларын оқыған Қайрат Нұрбосын, Аймекен Бұрхан, Әсем Байғайып,  Әділет Серғали, Ербол Медетбекұлы сынды дарынды оқушылар көрермендердің қошеметіне бөленді. Мерекелік жиында 40 жыл  бойы балаларды білім нәрімен сусындатқан ардагер ұстаз А.Ахметова оқушылар мен ұстаздарды мерекемен құттықтады. Мүшәйра соңында қазылар алқасы Қайрат Нұрбосынның «Тәуелсіздікке тарту» атты өлеңін үздік деп танып, бас жүлдені қанжығасына байлады.

Айта кетейік, аталған мектепте екі апта бойы тәуелсіздік күніне орай әртүрлі  шаралар өтуде. Сынып жетекшілері  «Тәуел-сіздік – ата-бабам аңсаған» атты ашық тәрбие сағаттарын өткізіп, оқушылардың ой-санасында тәуелсіздікке деген зор құрметтерін қалыптастырды. Тарих және құқықтану пәндері  онкүндігінде пән мұғалімдері өздерінің ашық сабақтарын тәуелсіздік күнімен байланыстырып, тамыры терең тарихымыз жайлы айта келіп, тәуелсіздіктің бізге оңай жолмен келмегендігі жайында оқушыларға жан-жақты мағлұмат берді. Дене шынықтыру пәнінің мұғалімдері де тәуелсіздіктің құрметіне  оқушылар арасында әр түрлі спорттық сайыстар өткізді.

Сара ДАМБА,

қазақ тілі мен әдебиеті

пәнінің мұғалімі.