Мамыр айында шағын футболдан Алматы облысының чемпионаты өткен болатын. Тек қана мықтылар бақ сынаған осы жарыста Абылай хан атындағы орта мектептің құрамасы бірінші орынды иеленіп, республикалық додаға жолдама алған. Алматы қаласында кіл мықтылар бас қосқан жарыста ауданымыздың құрамасы талайды тізе бүктірді. Финалға жолдама алған футболшыларымыз ақтық ойында Алматы қаласының құрамасымен кездесті. Тартысты өткен финалдық ойында қос команда да тамаша ойын көрсетті. Алайда, алматылық спортшылар 4:3 есебімен аудан құрамасынан басым түсті. Осылайша, Абылай хан атындағы орта мектептің командасы жүлделі екінші орынның тұғырынан көрініп, республика жұртшылығының алдында аудан намысын асқақтатты.