Мерекелік шараның ашылу салтанатында сөз сөйлеген Түрген ауылдық округінің әкімі Бота Елеусізова «ЧАФ «Түрген» ЖШС-і бүгінгі таңда шетелдік әріптестерімен бірлесе еңбек етіп жатқандығын айтып, басқа шаруаларға да осы бағытта жұмыс жасауға кеңес берді:

– «ЧАФ Түрген» ЖШС-нің соңғы  алты жылдан бері  өткізіп келе  жатқан  «егістік күні» жылдар бойғы қызығы мен қиындығы көп еңбектерінің арқасында  екенін  айтып өткім келеді. Ауылшаруашылығы секторы –  ауданның негізгі  салаларының бірі. Бізде  өсірілетін жоғарғы сұрыпты майбұршақ, арпа, бидай, тары, асбұршақ, жүгері өнімдері Түргенді  ғана емес барлық ауданды қамтамасыз етіп отыр. Сондықтан, өткізіліп отырған ауқымды шараның жергілікті шаруаларға берері мол. Бұл жерде тек өздерінің ауылшаруашылық техникаларын жарнамалап қана қоймай, мамандар өзара тәжірибе алмасады – деді Бота Серікқызы.

Мерекелік шара барысында  ірі агрохолдинг  басшылары ауылшаруашылық саласын дамытуға арналған өздерінің бағдарламаларын баяндады. Соның ішінде, Алматы қаласынан арнайы келген «Агротехсила» ЖШС-і өздерінің тракторға арналған «Сириус 10», «Астра С3 3,6», «Вега 8», «Веста 6 (УПС6)», «Альтаир 5,6», «Антарес 6х4», «Паллада 4000» тіркеуіштері  мен  автобөлшектерін  ұсынды. «КосАгроКоммерц» ЖШС-і дәнді-дақылдарға, көкөністер мен жеміс-жидектерге қолданылатын минералды тыңайтқыштар, түрлі препараттар, бактериялды күйікке  қарсы сұйықтықтарымен ерекшеленді. 

Шетелден  келген компаниялар да өз тыңайтқышарын жарнамалады. Атап  айтқанда, «SeedSpor» сұйықтығы өнімді жиып алғанға дейін қорғайтын препарат. Бірнеше  күн  сусыз қалған өсімдіктердің өзін қурап қалудан  сақтап қалатындығын және  бұл препаратты Қазақстанның басқа облыстарында пайдаланып  жатқандығын айтып  өтті компания өкілдері.  Сонымен қатар,  шетелден келген қонақтар да өздерінің тәжірибелерімен алмасып, Қазақстандағы ауа-райының ауылшаруашылығына қолайлылығын айтып, бірге  жұмыс жасауға  дайын  екенін де жасырмады.

Осылай  бастау  алған  шара, одан әрі өскен дәнді-дақылдар мен трактор тіркеуіштерінің  қалай жұмыс жасайтынын көрумен  жалғасын тапты. Заман талабына сай инновациялық технологиямен жасалған ауылшаруашылығы техникасының бөлшектері жұртшылықтың қызығушылығын туығызды.

Айта кетейік, Түрген экономикасы дамуының  негізігі  көзі  болып  саналатын ауылшаруашылық жерінің жалпы  көлемі 10 мың гектардан астам. Соның  ішінде 515  шаруа қожалығы. Көш бастап тұрған «ЧАФ «Тургень» ЖШС,  «Интеграция-Тургень» ЖШС және «Apple Word» ЖШС жаңа әдіс-тәсілдерді  пайдаланып, жемісті өнім алып ауданды  қамтып  отыр. Осындай жемісті әрі табысты ортада  өткен жиын соңында М.Жексембекова келген қонақтарға алғысын  айтып, «Құрбан айт» мерекесімен шын жүректен құттықтады.

Ботакөз  ӘБІШЕВА.