Осы бағытты ту еткен «Елім-ай» қоғамдық қоры Қайназар мәдениет үйінде «Мәңгілік ел: болашағы біртұтас ел» тақырыбында фестиваль өткізді жақында. Ел Тәуелсіздігінңі 25 жылдығы аясында жалауы желбіреген шараға округ әкімі Ахмет Жолдыбаев, қор төрағасы Жаңаберген Мұхамедов, округ ақсақалдар алқасы, әйелдер кеңесі, қоғамдық кеңес мүшелері, белсенді жастар қатысты. Шара шымылдығын Ахмет Арыстанбекұлы өзінің алғысөзімен түрді:
– Ел Тәуелсіздігінің биылғы мерекесі баба-лардың сан ғасырлық арман-мұраты. Сондықтан аналардың зарымен, әкелердің қанымен келген егемендігімізді көзіміздің қарашығындай сақтау – борышымыз, – дей келе баршаны мерейлі мерекемен құттықтады.
Ал Жаңаберген Мұхамедұлы жастарға айтқан өнегелі ойлары-ның түйінін үндеумен жеткізді:
– Тәуелсіздікпен бірге халқымыз Мәңгілік Мұраттарына қол жеткізді. Біз еліміздің жүрегі, Тәуелсіздігіміздің тірегі – Мәңгілік Елордамызды тұрғыздық. Қазақтың Мәңгілік ғұмыры ұрпақтың Мәңгілік болашағын баянды етуге арналады. Ендігі ұрпақ, яғни Сіздер – Мәңгілік қазақтың перзенттерісіздер. Ендеше патриотизм – ел үшін жасалған нақты істерден тұратынын ұмытпаңдар! Бұл – «Мәңгілік Елдің» басты сипаты. Мен ауданымыздың жастарына үндеу тастаймын! Қасиетті Отанымызды сүйіп, құрметтейік. Жақындарымызға көмектесейік! Лайым жерімізден бейбітшілік пен келісім кетпесін!, – деді.
Шара өнерпаздардың кон-церттік бағдарламасына ұласты.
Қайнар ЖҰМАҒОЖА.
