Қазақтың күмбірлеген қара домбырасымен тамылжыта ән салып, халық әндерімен тыңдарманның құлақ құрышын қандырған аталар мен әжелер жұртшылықтың қошеметіне бөленді. Сондай-ақ, түрлі ұлт өкілдері өздерінің әуезді әнімен, келісті биімен көпшілікті таң-тамаша күйге бөледі. Көңілді мереке соңында Тілеулес Ұзақов:
– Өткізілген шара арқылы біз тұрғындардың көңілін көтеріп қана қоймай, жастарды халық әнімен, дәстүрлі өнермен сусындатқымыз келді. Мақсатымыз жүзеге асты десек те болады. Өздеріңіз байқағандай, көрерменнің жартысынан астамы жастар қауымы – деп концерттің басты мақсатын айтып өтті.
Сардарбек НҰРАДИН.