Оған жергілікті полиция қызметкерлері, кәмелетке толмағандар арасындағы құқық қорғау инспекторлары және тиісті мамандар шақырылып, аталмыш заңды түсіндіру, насихаттау мақсатында өз тәжірибелерімен бөлісіп тұрады. Сондай-ақ, ауыл ақсақалдары мен ауыл имамы Қали Тұрсынәлі ауылдың жиын-терінде, жұма намаз уақытында жастарды еңбеккке баулу, қоғамдық жұмыстар мен мәдени, спорттық іс-шараларға белсене атсалысуға шақыру туралы жиі айтып, назарда ұстайды. Қорам ауылдық округі әкімі аппаратында апта сайын «ҚР мемлекеттік қызметшілердің Әдеп кодексін» ұстануы туралы округ әкімі Тұрсын Еменбаевтың басшылығымен аппарат жиналысы өтеді. Онда мемлекеттік қызметшінің өзін-өзі ұстауы, киім киюі, халықпен сөйлесуі, оларға қызмет көрсетуі, субардинация мәселесі жиі айтылып, ескертіліп отырады.

Жалпы сыбайлас-жемқорлыққа қарсы күрес жұмыстарын қоғам болып қолға алсақ, отбасында тәрбиелік маңызы бар әңгімелер жиі айтылса, еліміздің әлеуметі мен экономикасының артуына зор үлесін тигізері анық. 

Сәбит Қошатаев,

Қорам ауылдық округі әкімінің орынбасары.