Технологияларды ойлап табу арқылы адамзат өз тіршілігін жеңілдетіп жатыр. Есесіне, уақыт үнемделіп, сана-сезімнің өсуіне мүмкіндік жасалады. Бірақ, қазіргі технологиялық трендтер үдерісін қуып жетудің өзі қиын. Шетелдің дамып кеткен өнімдеріне тамсанып, «бізге өсу керек» деп отыра беретін болсақ, бүгінгі күйімізден де жаман құлдырап кетуіміз ғажап емес. Сондықтан да болар, биыл еліміз негізгі басымдықты цифрландыруға қарай бұрды. Барлық мемлекеттік мекемелер мен ұйымдарға нақты тапсырмалар беріліп, жаңа жобалар енгізілуде...

       Жаңашылдықтан мектепке дейінгі мекемелер де құр-алақан қалған жоқ. Елбасы Н.Назарбаевтың «Цифрлы Қазақстан» бағдарламасына сай мемлекеттік қызмет көрсе-туді автоматтандыру мақсатында жақында Талдықорған қаласын-да бір күндік семинар өтті. Білім басқармасының ақпараттық технологиялар орталығында «Мектепке дейінгі балалар ұйымдарына кезектілікті қалыптастыру мен оның қызметін және жолдамалар беру үдерісін автоматтандыру жүйесін оқыту» тақырыбында өткен семинарға ауданымыз-дан да барып қатысып қайтты электрондық-сандық қолтаң-баға (ЭСҚ-ЭЦП) жауапты мамандар. Ашықтық,  уақытты үнемдеу, қағазбастылықтан құтылу – міне, нағыз қазіргі уақытқа қажет басымдықтарды жүзеге асырудың қыр-сырына қанық болды семинарға қатысушылар. Аталған жүйе арқылы біз балабақшаға келген балалардың жолдамасын өзіміз шығарып отыруға мүмкіндік аламыз және балабақшадағы бос орынды да көрсетіп отырамыз. Яғни, ата-аналар ЭСҚ кілттерін алу арқылы сайтқа тіркеліп,  өз кезектерін бақылап отырады. Барлығымызға бұл жүйенің тиімді болатынына зор сеніммен оралдық облыс орталығынан.

С.Майлықұтова,

«Нұршуақ» бөбекжай балабақшасының әдіскері,

Бәйдібек би ауылы.