Есік қаласының әкімі Бауыржан Бименов ардагерлер қауымын атаулы Қарттар күнімен құттықтай келе, осы жылы өмірден өткен қарияларды бір минут үнсіздікпен еске алуды ұсынды.
Дамир Тұяқбайұлы ардагерлер қауымының қоғамның саяси және мәдени-әлеуметтік дамуында алар орны ерекше екендігін атап өтті. «Қариялы ел – дариялы ел» дейді халық даналығы. Ендеше, қариялар қашанда керек» – дей келе, толыққанды есебін берді ұйым төрағасы. Оған қарттар қауымы бірауыздан қанағаттанарлық деген бағасын берді. Ардагерлер ұйымының төрағасы болып, ардагерлер қауымының толық қолдауымен Дамир Тұяқбайұлы қайта сайланды. Аудандық ардагерлер ұйымы құрамы 11 адаммен толықты. Оны ардагерлер кеңесі төрағасының орынбасары Бөкен Құсайынов жариялады. Жиыннан көңілді қайтқан ардагерлер қауымы келесі күні Есік қаласы әкімдігінің ұйымдастыруымен «Шаңырақ» атты мейрамханада бас қосты.
Онда қала әкімі Бауыржан Бименов ақ тілегін арнаумен қатар қаланың әлеуметтік-экономикалық дамуына елеулі үлесін қосқан Сағадат Сәлімбаевты, Роза Исатаеваны, Дамир Тұяқбайұлын, Ұлжан Жолаеваны және өзге де еңбегі елеулі тұлғаларды арнайы Алғыс хаттармен марапаттады. Ән мен би, кең дастархан қарттар көңілін көкке өрлетті бұл күні.
Ә.МАНАСБЕК.