Бірінші – тазалық мәселесі күн тәртібінде қаралды. Ол турасында қала әкімі Бауыржан Мыныханұлы:

– Қазіргі таңда көп қабатты үйлердің тазалығы  көңіл көншітпейді. Себебі, өздеріңіз де білесіздер, онда жартысына жуығы пәтер жалдап тұрушылар. Қысқасы, тазалықпен бас қатырмайды. Есігін қақсаңыз, үй иесімен сөйлесіңіз, менің ша-руам жоқ дейді. Одан қалса ауласында қоқыс тастайтын жәшіктер де жоқ немесе талапқа сай келмейді. Үшіншіден, қоқыс шығарушы ұйыммен келісімшарт жасаспайды, – дей келе:

– Ең бірінші осы мәселені қолға алуымыз керек. Бұл – біздің ортақ мекеніміз. Ендігі кезекте тәртіпке бағынбайтын әр аулаға барып, қатаң ескерту қағаздарын береміз. Оған көнбесе айыппұл жазамыз. Екіншіден, облыстық мәслихатта бекітілген көп қабатты үйлерді таза ұстаудың ережесі де қолымызда. Пәтер жалдаушы болсын, үй иесі болсын сол тәртіпке бағынуы тиіс. Осыны да қатаң бақылауға алуымыз қажет, – деп бірқатар нақты тапсырмалар да берді.

Сондай-ақ, жиын барысында базардағы тазалық та сын садағына ілінді. Арнайы рейд жүргізу жұмыстарын қолға алу керектігін баса айтты қала әкімі. – Қазіргі уақытта Есік бойынша 12 учаскелік полиция инспекторлары жұмыс істейді. Қылмысты болдырмау, оның алдын алу бойынша біріктірілген жұмыс жоспарын әзірлесек, алынбайтын қамал жоқ, – деді бұл турасында Айдос Жүнісов.

Қала әкімі Бауыржан Бименовтың айтуынша, 50 мыңға жуық тұрғыны бар аудан орталығының тазалығы қатаң бақыланбақ. Жұмысты жеңілдету мақсатында қаладағы бірнеше жерге қосымша бейнебақылаулар да орнату қолға алынған.

Қайнар ЖҰМАҒОЖА.