Жақында Жамбыл ауданы Аққайнар ауылында КСРО спорт шебері, КСРО чемпионатының екі дүркін күміс жүлдегері, тарихи АҚШ-КСРО кездесуінің жеңімпазы, ҚР құрметті спорт қайраткері Жандос Кәкімовтың 70 жылдығына арналған бокстан жасөспірімдер арасында республикалық турнир өтті. Оған еліміздің түпкір-түпкірінен былғары қолғап шеберлері қатысты.
Аудан боксшылары да байрақты бәсекеден сырт қалмады. Тілек Манаптың бабынан шыққан Бекбосын Бегов (Рахат), Марат Қалғұлов (Өрікті), Еркебұлан Тілеулес (Рахат), Нұрсұлтан Нұрлан (Есік) үздік спортшылармен жұдырықтасып, өз өнерлерін көрсете білді. Нәтижесінде, Марат қалғұлов пен Бекбосын Бегов жүлделі ІІ орынның тұғырынан көрініп, Еркебұлан Тілеулес ІІІ орынды иеленді. Айта кетейік, жарысқа бокс-тан әлем чемпионатының күміс жүлдегері, халықаралық дәрежедегі спорт шебері Ғани Жайлауов арнайы қатысып, жастардың өнеріне оң бағасын берді. Сондай-ақ, шеберлік сыныбын көрсетіп, естелік суретке түсті.
– Бұл біз үшін үлкен сынақ болды. Оған қоса, алда келе жатқан республика чемпионатына деген дайындық – дейді бапкер Тілек Манап.
Сардарбек НҰРАДИН.
