Есік және Шелек өңірлерінде өткен ойынға 18 команда қатысты. Әзіл-қалжыңнан көрерменге тарту жасаған жастардың өнерін Алматы қаласы жайдарман өкілдігінің директорының орынбасары Ердос Оралбеков, Алматы қаласының жайдарман өкілдігінің бас редакторы Дархан Карипов, Жоғарғы лиганың «Тек қана қыздар» жайдарман командасының капитаны Мереке Қалбаева, «Қармақшы» құрама командасының капитаны Жандос Самалбеков, «Алмалы» командасының белді ойыншысы Ерғанат Хайнел бағалап, қазылық етті. Ойын тартысты өтті. Командалар сәлемдесу және үй тапсырмасы сайыстары бойынша өнер көрсетті.
Жалпы қорытынды бойынша «Нар тәуекел», «Бауырлар», «ЕМК», «Нұрлы жол», «Қазақ жастары», «Алатау», «Тәуекелді жігіттер» финалға жолдама алып, қалған командаларға алғыс хаттар табысталды.
Жайдарманның ұйымдастыру жұмыстарына белсене атсалысып, аудандық жайдарманның дамуына қосқан зор үлесі үшін Бақытжан Қаби мен Мади Бердібаев марапатталды. Манас Жарылқасынов, Мұхтар Қожантаев, Арман Алпысбаев жекелеген номинацияларға ие болып, оларға бағалы сыйлықтар табысталды.
Өз тілшіміз.