Аудан бюджетінің орындалуын сараптаудан соң құрылыс жұмыстарының қызу жүргізілетін күздің соңғы айларын ұтымды пайдаланып, сапасын жоғары ұстауды тапсырды. Жол жөндеу, салу ісінде депутаттарды белсен-ділік танытып, құрылыс сапасын мұқият бақылауға шақырды.

Аппарат мәжілісінде қаралып, нақты тапсырмалар берілген мәселе – қысқа дайындық. Бұл жөнінде есеп берген тұрғын үй, коммуналдық шаруашылық бөлімінің басшысы Д.Мәлібековке аудан әкімі бөлім қарамағына жататын қазандықтардың қысқа жылу беру маусымының ресми басталатын мерзімі –15 қазанда дайын болу керектігін ескертті. Сонымен қатар бұл қазандықтарға қажет сұйық отын дайындау ісі де ырың-жырыңға салынбай дер кезінде орындалуы керек. Қысқы жылу беру мәселесін айтқанда тұрғындар қажеттілігін де дер кезінде ескеріп, әсіресе әлеуметтік жағынан төмен жағдайдағы тұрғындарға қол үшін беріп, көмірмен, басқа да отын түрлерімен қамтуда көмектесуді ескертті. Бұл бағытта кемшілік болып жатқанын кейбір жерлерде жасыл желекті кесіп отын қылу белең алып жатқаны байқатады.

Төтенше жағдайлар қызме-тінің қаперіне, экологтың есіне, тұтынушылар құқығын қорғау басқармасының басшысына әрқайсы өз қызметтік міндет-терінің аясында кетіп жатқан кемшіліктерін жойып, өрттің алдын-алу, жасыл желекті әрісі отқа орауға, берісі шауып отын қылуға жол бермеу, елді мекендердегі, жол бойындағы тазалықты сақтау мәселелерін бақылауды қатты тапсырды аудан әкімі. Күнделікті әр пәтер, әрбір үй иесінің назарынан тыс қалмайтын бұл жұмыстар аудан мекемелері, қызметтер мен кәсіпорындар басшыларының назарында болатын сұрақтар.

Х.АХМЕТЖАНОВ.