Сүйемін туған тілді - анам тілін,
Бесікте жатқанымда-ақ берген білім
Шыр етіп жерге түскен минутімнен
Құлағыма сіңірген таныс үнім – деп, Сұлтанмахмұт Торайғыров ақын айтқандай,  тілімізді құрметтеу- әрбір ұлттың негізгі борышы, парызы.

Қашықтықтан оқыту  барысында, мектебімізде    «Үштілділік – заман талабы»  тақырыптарына  сәйкес  іс-шаралар  өткізілді.

Іс-шара  өткізу  барысында, тіл ұлттың мақтанышы, тірегі, жүрегі  екендігіне кең  түсінік  бере отырып, білім алушыларды  елжандылыққа,  туған тілін  құрметтеуге,  тілді ұлттық мұра ретінде қастерлеу мақсатын алға қоя отырып, тіл айлығын оқушылар, ұстаздар, ата – аналар ZOOM  платформасы арқылы тамашалап, көрерменнің көзайымы болып, ризашылықтарын білдірді.

Тіл айлығының ашылу салтанатында  мектебіміздің директоры Ғазиза Молдабаева тіл құдіретін, үштілділік заман талабы екендігін кеңінен түсіндіріп, құттықтау сөзін тілге тиек етіп онлайн түрінде өз лебізін білдірді.

Қазақ тілі,  орыс  тілі,  ағылшын  тілі   бірлесіп, тіл  айлығының өткізілу іс-шарасын ұйымшылдықпен, жауапгершілікпен ұйымдастыра білді. Іс-шараның  ашылуында,  тіл туралы  әртүрлі шығармашылықпен қызықты әрі көңілге ой салатындай, жүрекке жол табатындай бейнероликтер дайындалды.

Тіл  айлығы барысында,  мәнерлеп  оқу  байқауы,  суреттер салу  байқауы,  викториналық  сұрақтар, үздік  эсселер  байқауы, жас тілшілер  байқауы, ашық  сабақтар,  дөңгелек  үстел, сынып сағаттары  онлайн  өткізілді.

22  қыркүйек  күні  үш тіл  бірлестігі «Үштілділік – заман талабы»  тақырыбында әдеби-сазды  кеш  өткізді. Әдеби кеште тіл туралы  өлеңдер, мақал-мәтелдер, әр ұлт өкілдері  қазақша ән  айтып, кештің керемет көрінісін  тарту етті.

Мектеп әкімшілігі  тіл айлығына  белсене  қатысқан  білім алушыларды мақтау қағаздармен марапаттады.

Айнур  Дунгешова,

Т. Әубәкіров атындағы  орта мектептің қазақ тілі  және  әдебиет пәнінің мұғалімі