Тазы жүгіртіп, құс салған ата-баба дәстүрін жалғастырушы саятшылар бақ сынап жатыр. Алматы облысында дәстүрлі түрде өтетін "Сонар" республикалық құсбегілер байқауы биыл еліміздің саятшыларын Еңбекшіқазақ ауданы Төле би ауылында жинады. Эпидахуалға байланысты байқауға әр өңірден тек екі бүркіт, бір сұңқар мен бір аңшылық ит - тазыдан қатыстыруға рұқсат етілген екен. Әрі қатысушылар: "Халықтың көп жиналмауын назарға алып, байқаудың болатынын күні бұрын жарияламадық" дегенімен, турнирді тамашалауға келгендердің қарасы аз емес. Байқаудың қорытындысы бүгін кешке дейін шығарылады. Турнирге республиканың түпкір-түпкірінен 10 команда қатысып…

Алматы облыстық ішкі саясат басқармасы мен облыстық «Рухани жаңғыру» жобалық кеңсесінің ұйымдастыруымен «Біржан мен Сара» атты сөз додасына алғаш қадам басқан жас ақындардың онлайн айтысы мәресіне жетті. Үш күнге жоспарланған айтыста аймағымыздан 18 жас айтыс ақыны қатысып, бақтарын сынады. Сөз додасына қатысқан үміткерлердің өнері мен өрлігін Ермек Келемсейіт,Раушан Жәнібекова, Әміре Әрін, Айтақын Бұлғақов, Қаныша Райсова, Серік Әбікенұлы, Жемісбек Толымбеков, Қажет Андас, Сағыныш Намазшамова сияқты әр саланың білгірлері бағалап, артықшылығын алқап, орын алғанк емшіліктерді көрсетті. Ел-жер тарихы, айтыс өнеріндегі ұлы тұлғалардың…

Адамзат қоғамының даму процесіне көз жүгіртсек оған бейнелеу өнерінің тигізген әсерін жоққа шығара алмасымыз анық. Алғашқы адамдардың салған суреттері қазіргі біз үшін тым қарабайыр болса да өнер тарихы мінберінен қарағанда теңдессіз құбылыс болғаны дау тудырмаса керек. Олар өздерінің діни сенімдерін, тұрмыс-тіршілігін, салт-жоралғыларын тасқа қашап, кейінгі ұрпақтарына өшпес мұра қалдырып кеткеніне, әрине, бас иетініміз анық. Испаниядағы Альтамир, Франциядағы Ласко, Австралиядағы Кимберли үңгірлерінен табылған ежелгі суреттер адамзат мәдениетінің теңдессіз жауһарлары саналады. Олардың қатарында елімізде орналасқан Таңбалытас та бар. Тарих ғылымы да осы…

Қазақ – қашаннан өнерлі халық. Сонау заманнан ұрпақтан-ұрпаққа беріліп келе жатқан ауыз әдебиеті, шежіреге толы аңыздар, айтыс, ақындық, оның ішінде суырып салма жанрынан қазақтықтың иісі аңқиды. Ұлы даланың жеті қырына тән саф өнер осындай киелі халықтың ғана бойына дарыған десек, артық айтқандық емес. Күмбірлеген күй өнері мен сары даланың сырлы сыңғырындай әншілік өнерінің өзі – бір төбе. Халқымызда аты аңызға айналған небір серілер, ақын-жыраулар, күйші, сазгерлер, жүрек қылын шертер күміс көмей әншілер жетерлік. Солардың бірі де, қазақ вальсінің королі атанып…