Жыл сайын әлем бойынша жарты миллионнан астам адам зорлық-зомбылықтан қайтыс болады. Зорлық-зомбылықтың ең көп таралған түрлерінің бірі – тұрмыстық зорлық-зомбылық.

Тұрмыстық зорлық-зомбылықтың алдын алу – Қазақстан Республикасының отбасылық-демографиялық саясатының өзекті тақырыбы. Зорлық-зомбылықтың өсуі қоғам мен жеке адамның қауіпсіздігіне тікелей әсер етеді. Осылайша, өткір әлеуметтік проблеманың негізі болады.

Қазақстан Республикасының Президенті Қ.Тоқаев 2021 жылғы қарашадағы ұлттық қоғамдық сенім кеңесінің IV отырысында сөйлеген сөзінде осы мәселені шешудің маңызын атап өтіп, алдын алу шараларының тиімділігін арттыруды, агрессорлармен әлеуметтік-оңалту және тәрбие жұмысының жүйесін әзірлеуді, құқық бұзушыларға тағайындалған жазаларды орындау және қолданысқа енгізу жөніндегі шараларды күшейтуді тапсырды.

Бүгінде отбасылық-тұрмыстық зорлық-зомбылықтың кез келген көрінісіне төзбеушілік пен қоғамдық айыптау атмосферасын құра отырып, заңнаманы жетілдіру және зорлық-зомбылықтың алдын алу шараларын тиімді жүргізу арқылы осындай кешенді тәсіл негізінде әлеуметтік маңызы бар мемлекеттік міндеттер деңгейінде аталған мәселені шешу қажеттілігі туындап отыр. Қазақстандық қоғамда тұрмыстық зорлық-зомбылықты, қысым көрсету және сексуалдық бопсалауды, некелесу мақсатында әйелдер мен қыздарды күштеп ұрлауды қалыптастырмау үшін мұндай құқық бұзушылықтарға мүлдем төзбеушілік ахуалын құру қажет. Отбасылық-тұрмыстық зорлық-зомбылық аясында қалыптасқан мұндай жағдайды оңтайландыру үшін тек мемлекеттік органдар ҮЕҰ мен дағдарыс орталықтары, аналар үйлері және АҚҚ-дан зардап шеккендерге көмек көрсететін өзге де ұйымдар ғана емес, БАҚ, әр азамат – жалпы қоғам болып жұмылу маңызды.

Бүгінде жылдағы дәстүрмен 25 қараша мен 10 желтоқсан аралығында «Зорлық-зомбылықсыз 16 күн» атты акция өтіп жатыр. Бұл 16 күндік белсенділік дегеніміз – азаматтарды әйелдер мен қыздарға қарсы зорлық-зомбылыққа жол бермеуге әрекетке шақыру. Сондықтан егер де өзіңіз немесе жақындарыңыз отбасында зорлық-зомбылықтың құрбаны немесе куәгері болсаңыз, Еңбекшіқазақ аудандық полиция басқармасының 102 телефонына хабарласу керектігін ұмытпаңыз.

Айдын БАЙТІЛЕУОВ,

Есік қаласы әкімі аппаратының бас маманы.