Бейсенбі, 15 Қыркүйек 2022 11:21

Үздіктер үлгі болсын

Еліміздің болашағы әр шаңырақта қаланады, ал экономикамыз әр отбасының жағдайымен өлшенеді. Сондықтан отбасылық құндылықтарды насихаттау, отбасы институтын құру мен гендерлік саясатқа мемлекет тарапынан қашан да көп көңіл бөлінеді. Осы орайда республикалық деңгейде өтетін «Мерейлі отбасы» ұлттық байқауының орны бөлек.

Оның мақсаты – халыққа үлгі-өнеге болатын, отбасы құндылықтарын атадан балаға мұра қылып, дәстүрді дәріптеп, салтты берік ұстанған отбасыларын қоғамға танытып, жастарға үлгі қылу.

Әрине, бұл байқау біздің ауданда да жылда ұйымдастырылады. Мысалы, былтыр Еңбекшіқазақ ауданынан шыққан Исабековтер отбасы облыста үздік танылып, байқаудың республикалық кезеңінде лауреат атанды. Ауданымызда биыл да сол деңгейге талпынған 28 отбасы аталған байқауға қатысуға өтініш білдірді. Комиссия шешімімен олардың төртеуі – Асы ауылдық округінен қатысқан – Кебекбаевтар, Тескенсу ауылдық округінен – Сейсенқұловтар, Қырбалтабай ауылдық округінен – Тәукебаевтар, Бәйтерек ауылдық округінен – Казимир отбасы ауданда үздік деп танылса, олардың алғашқы екеуі байқаудың облыстық кезеңіне жолдама алды.

Үлгілі отбасыларды «Отбасы» күні мерекесіне орай аудан әкімі Алтай Досымбаев қабылдады. «Ауылдағы жолдар салынар, жарық жүргізілер. Олар кезең-кезеңімен іске асады. Бірақ адами құндылықты, тәрбиені кейінге ысыра тұруға келмейді. Атадан балаға мұра болып келе жатқан «ұят болады», «жаман болады» деген тәрбие өзегі өміршең болуы керек. Оны үзіп алуға болмайды. Өкінішке қарай, тұрмыстың қамымен рухани құндылықты материалдық өлшемге айырбастап алғанымыз көп. Жиын-тойда «Адам бол!» дегенді емес, «Ақшалы бол! Әкім бол!» деген тілекті жиі еститін күнге жеттік. Мұның бәрі – тәрбиеге түскен сызат. Сондықтан сіз болып, біз болып осы мәселеде күш қосайық. 40-45 жыл отасып, ұлды ұяға, қызды қияға қондырып, немере сүйіп отырған үлкен өмірлік тәжірибелеріңіз бар. Осы тәжірибемен, көрген-білген, ойға түйгендеріңізбен жастармен бөлісіңіздер», – деп қазақтың «Ауылына қарап, азаматын таны» деген жақсы сөзін мысал еткен Алтай Машикұлы қарияларды үйдің тірлігімен шектелмей, қоғам жұмысына араласып, белсенділік танытуға шақырды. Бұл тілектерге аудандық мәслихат хатшысы Бекет Ахметов те қосылды.

Аудан әкімінің орынбасары Қуат Ақшабаев пен ішкі саясат, мәдениет, тілдерді дамыту және спорт бөлімі басшысының міндетін атқарушы Ерболат Сарабеков ауданда үздік танылған төрт отбасына Алғыс хаттары мен сый-сияпат тапсырды. 

Құралай МҰРАТҚЫЗЫ,

ішкі саясат, мәдениет, тілдерді дамыту және спорт бөлімінің маманы.

Оқылды 3349 рет

Соңғы жаңалықтар

Нау 18, 2024

Құрылтай

Кешегі Атырау қаласында өткен Ұлттық құрылтайда Президент Қасым-Жомат Тоқаев күн…
Нау 14, 2024

Түйінді түйіткілдер оң шешімін…

Жуырда аудандық мәслихаттың тұрақты комиссияларының бірлескен отырысы өтті. Отырыстың күн…
Нау 07, 2024

Аудан әкімінің міндетін атқарушы …

Ардақты ақ жаулықты аналар, аяулы арулар! Сіздерді 8 наурыз – Халықаралық әйелдер күні…
Ақп 22, 2024

Отбасы – тәрбие бастауы

Жақында Азат орталау мектебінде Рахат округінің аналар кеңесінің төрайымы Райхан…
Ақп 22, 2024

Ерлік – елге мұра, ұрпаққа ұран

Кеңес әскерінің Ауған жерінен шығарылғанына 35 жыл толуына орай Есік қаласында ауқымды…
Ақп 21, 2024

Алматы облысы Еңбекшіқазақ ауданы…

Мен Тустукбаев Бағлан Ахихатұлы, 1989 жылы 7 сәуірде Алматы облысы, Еңбекшіқазақ ауданы,…
Ақп 21, 2024

Алматы облысы Еңбекшіқазақ ауданы…

Мен, Әділхан Азамат Әділханұлы, 1993 жылы 11 қаңтарда Алматы қаласында дүниеге келдім.…
Ақп 21, 2024

Алматы облысы Еңбекшіқазақ ауданы …

Мен Тойғанбеков Бақберген Бауыржанұлы 1988 жылы 21 сәуірде Еңбекшіқазақ ауданы Көктөбе…

Күнтiзбе

« Наурыз 2024 »
Дс Сс Ср Бс Жм Сб. Жк
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Кез келген материалды
көшіріп басу үшін
mezet.kz - ке гиперсілтеме
қою керек 

Яндекс.Погода

 

https://kurs.kz/ - Курсы валют в обменных пунктах г. Алматы и других городах Казахстана

Жарнама

для детей, достигших 12 лет