22 қаңтарда  қарлы боран салдарынан Алматы – Қорғас бағытындағы  жолының Шелек өңіріндегі аумақта 30-ға жуық автокөлік бөгеліп қалған болатын. Діттеген жеріне жете алмай, дағдарып қалған жолаушыларға төтенше жағдай қызметкерлерімен бірге жергілікті әкімдік өкілдері көмек көрсетті. Ал  кәсіпкерлер жолаушыларға жомарттық танытып, оларды тегін тамақатандырып, түрлі мұқтаждықтарына  жағдай жасапты. «Жақсының жақсылығын айт нұры тасысын» дегендей,  –  қайырымды жандардың өнегелі ісі елеусіз қалған жоқ. Жақында аудан әкімі Қуанышбек Қашқымбаев ізгі  іске ұйытқы болған Бартоғай ауылдық  округінің әкімі Талғат Өмірбековті, жеке кәсіпкерлер Дильшат Абдрасулов пен Айтжан Алимбердиевті арнайы Алғыс хатпен марапаттады. Ізгі жандарға алғыс айтқан аудан әкімі: «Ел жақсылықпен көгереді, көктейді. Қандай қиындықта да еліне қорған болатын азаматтар аман болсын, еңбектеріңіз табысты болсын, – деді. 

Асыл ЕРЗАТ.