Дені сау ұлт – мемлекеттің басты байлығы. Саламатты өмір салты және спорт – еліміздің стратегиясының негізгі бағыттарының бірі.
Осыған орай жақында Есік қаласында орналасқан спорт кешенінде нәзік жандылар арасында волейболдан облыстық жарыс өтті. Турнирдің ашылу салтанатында Алматы облыстық бұқаралық-спорттық іс-шараларды өткізу орталығының директоры Ержан Мұратұлы, Еңбекшіқазақ ауданы №1 балалар мен жасөспірімдер спорт мектебінің директоры Абай Қанатұлы, жарыстың бас төрешісі Хамит Дәулетбайұлы құттықтау сөз алып, жарыстың маңыздылығына тоқталып, спортшыларға сәттілік тіледі. Жеңіске ғана ұмтылып келген командалардың барлығы намысты қолдан бермеуге барын салды. Көрермендер әрбір ойынды тамашалаудан жалықпады. Тартысқа толы бәсекеде І орын тұғырына Қарасай ауданы көтерілсе, ІІ орын Талдықорған қаласына бұйырды, Еңбекшіқазақ ауданы ІІІ орынды еншілеп, Панфилов ауданы ІV орынға тұрақтады.
Ринат НАРХАНОВ.
