«Айналайын баладан, тауып алған даладан» дегенге сенетін заман келмеске кетті. Бесіктен белі шықпай жатып күн санап қарыштап дамыған техника тілін тез меңгерген қазіргінің балаларын ересектердің «ертегісіне» сендіре алмайсың. Жасөспірімдер үшін жабық тақырып, анайы көріністерді жаһанды жаулаған ғаламтордан көріп біліп, ата-ананың емес, теңдесіз техниканың «тәлімін» түйсігіне түйіп алған. Соның соңы індеттің ұясы, өкініштің ошағы, ажалдың аранына айналған айықпас ауруларға  арандатуда.

Бойдағы табиғи талант пен қандағы қасиет өзін көрсетпей қоймайды. Талай тығырықтан суырып шығарып, жақсылыққа бастайды.  Көпшілікке танытады. Мерейіңді асырады. Иә, сол табиғаттың берген көркем қасиетін бойыңда сақтап, оны алып жүру де, әсте, оңай шаруа емес. Бірде тұнжыратады, енді бірде жадыратады. «Өнерім – өмірім» деп жүрген талай жандар мұны түсінеді. Сондай адал да ақжарқын, қарапайым да көңілді жандардың бірегейі профессор, әнші, сырнайшы, композитор Ағайша Исағұлова Шермұхамбетқызымен танысып, шығармашылығына қанық болдық Есік гуманитарлық-экономикалық колледжінде болған кездесуде.

Тіл тағдыры – ұрпақ тағдыры. Ұрпақ тағдыры – ел тағдыры. Бұл – бұлжымас қағидат. Дегенмен әлі ақсау тұстарымыз сүйекке дақ боп тұрғаны. «Айтпаса сөздің атасы өледі», бей-берекет заманда, ел-жұрт дін аманда, исі қазақ баласы ана тілде сөйлеуде тұтылды. Сөйтіп, қашырды, халқым, құтыңды. ХХ ғасыр әкімшіл-әміршіл жүйе болса бір сәрі еді. Бүгінде егемен елміз. Әлем алпауыттарымен теңбіз. Жаутаңдайтын несі бар, жалтаңдайтын да несі бар?.. Біз кімнен кембіз? Тәуелсіздік тұсында қазақ пен қазақ орысша шүйіркелесетіндей не күн туды басымызға. Жарымжан жарнамаларымыздың жағдайы әне, «Әуезовті» («ул. М.Ауезова» дегенді «М.Әуезова көшесі» деп аударған)  «Әуезова» дедік. Мұны сынап сан мәрте қамшыладық, алайда шыбық басы да қимылдамады. «Брендтің әйелдің аяқ киімі», «Валюта аиырбастау» деген жарнамаларды да сын тезінен өткізіп жазғанымыз бар. Одан бері де 3 айдың жүзі болды. Жарымжан жарнамалар қаз-қалпында сақтаулы. «Қара басын» жардан жарға соққан Ана тілдің тағдыры Тәуелсіздіктен кейін де оңалмай тұрғанын-ай...

Жақында Есік гуманитарлық-экономикалық колледжінің жиын залында Қазақстан Республикасы журналистер Одағының мүшесі, халықаралық «Zaman Қазақстан» газетінің меншікті тілшісі, ауданның құрметті азаматы, ақын, жазушы Шаяхмет Құсайыновтың 65 жасқа толуына орай шығармашылық кеші өтті.

«Тәуелсіздікті баянды ету – оған қол жеткізуден де қиын. Мемлекеттігіміздің тұғырын мызғымастай нығайта түсу үшін бізге әлі талай күрделі, өткелі көп бұралаң жолдардан өтуге тура келеді». Бұл – Елбасымыз Нұрсұлтан Назарбаевтың 30 қарашада жариялаған «Қазақстан жаңа жаһандық нақты ахуалда: өсім, реформалар, даму» атты Жолдауында айтылған ақиқат. Рас, бастан не өткермедік. Құладық, сүріндік. Жыладық, қайта тұрып жүгірдік. Кейде тағдыр тауқыметінен де түңілдік. Бәрі де өтті. Енді дамуға бет алдық. Мұның айғағы – жақында жарияланған Жолдау. берілген нақты тапсырмаларды талқылау, талдау, орындалу барысын ойластыру мақсатында аудан әкімдігінің мәжіліс залында кеңейтілген жиын өтті. Оған аудан әкімі Бинәлі Ысқақ  қатысты.

Облыстық, аудандық мәслихат депутаттары, аудан әкімінің орынбасарлары, бөлім, мекеме басшылары және округ әкімдері қатысқан саяси жиынның салмағы болды. Себебі, мешін жылы Елбасымыздың өзі айтқандай, соқтықпалы, соқпақты жыл болмақ. Жиында аумалы-төкпелі сәтте аудан аумағында атқарылатын жұмыстар таразыланды. Аудан басшысы Жолдауды түсіндіру мақсатында баяндама оқып, алдағы жылға нақты тапсырмалар да берді. Айтып өтейік, мінберге көтерілген кәсіпкер Қ.Сұлтанғазиев, Д.Қонаев атындағы орта мектеп директорының орынбасары Ж.Тетрова және Рахат орта мектебінің директоры Б.Рақымжан жаһандық нақты ахуалда Қазақстанның таңдаған бағытын оң санап, Бинәлі Әбдіқапасұлының сөзін бірауыздан құптады. Кеңейтілген отырысты аудандық мәслихат хатшысы Әділбай Талқамбаев жүргізіп отырды. Назарларыңызға аудан әкімі Бинәлі Ысқақтың мешін жылында аудан атқамінерлеріне жүктеген міндеттерін жариялап отырмыз.

Жақында Есік қаласы әкімдігінің, аудандық салық басқармасының және аудандық ІІБ жол-патрульдік полициясы қызметкерлерінің қатысуымен Есік қаласында «Көлік салығын төледіңіз бе?» атты рейд жүргізілді.

Жақында Қаракемер 6654 Ұлттық Ұлан әскери бөлімі Отан алдындағы борышын бір жыл бойы абыроймен атқарған 300-ден аса жауынгерді үйлеріне салтанатты түрде шығарып салу рәсімін өткізді.

Жақында Райымбек батыр атындағы орта мектепте аудандық ішкі саясат бөлімінің ұйымдастыруымен, аудан әкімдігі жанындағы әйелдер істері және отбасылық демографиялық саясат жөніндегі комиссияның, қоғамдық келісім кеңесінің, этно-мәдени бірлестіктердің мүшелері мен үкіметтік емес ұйым өкілдерінің, белсенді азаматтар және жастардың қатысуымен «Толеранттылық пен өзара келісім – ынтымақ кепілі» атты жиын өтті.

Қыз өссе елдің көркі деген сөзді,

Қапысыз қалай айтқан қайран бабам.

Иә, қазақ халқы үшін қыздың орны ерекше. Қызды қырық үйден тыйып, оған болашақ ана ретінде қараған жұртымыз бүгінде де сол дәстүрінен жаңылған емес. Оның бір дәлелі, жақында Бәйдібек би ауылдық округінде өткен «Бәрінен де сен сұлу» байқауы. Гүлнұр Назарбаева және Райхан Тұрсынбаеваның идеясымен өмірге келген жоба аудандық білім, ішкі саясат, мәдениет және тілдерді дамыту бөлімдері мен       жастар ресурстық орталығының ұйымдастыруымен аудан әкімінің қолдауымен өткізілді. Оған аудан әкімінің орынбасары Бекет Ахметов пен бөлім басшылары, округ әкімдері қатысты.

Ең  алдымен кез-келген жарияланымның тақырыбына назар  аудару – редакторлық қызметімде қалыптасқан  әдетім. «Қазақстан жаңа жаһандық нақты ахуалда: Өсу, реформалар, даму» – деген ҚР Президенті Н.Ә.Назарбаевтың  Қазақстан халқына Жолдауының  тақырыбының өзі әлемдегі күрделі кезеңге қарамай әлеуметтік  саладағы мемлекет міндеттері толығынан атқарылатынын паш еткендей көңілге сенімділік ұялатады. Нақтылап айтсақ: «Біз бұған дейін  қабылданған  бағдарламаларға сәйкес,  білім беру және денсаулық сақтау салаларын жаңғыртуды  жалғастыруымыз керек» – делінген Жолдауда. Сонымен қатар, «Мен 2017 жылдан бастап жаңа жоба «Баршаға арналған тегін кәсіби – техникалық білім» бағдарламасы басталатынын жариялаймын», – деді Елбасы. Бұның өзі ел болашағына бүгінгі, ертеңгі жас жеткіншектерге деген аса  зор қамқорлық деп бағалау керек.

Хайролла АХМЕТЖАНОВ,

облыстық  мәслихат депутаты.