Жұма, 25 Ақпан 2022 15:35

Айтары бар ақын болады

Ақын  – жүйрік, ойнап қаны тасатын,

Ой – жарыста, шаң жуытпас шашасын.

Сөз – маржаны өлеңменен өрілген,

Поэзия патшалығы жасасын!, – деп ақындықтың ауыр жүгін арқалаған Иминжан Исмайылұлы «болар бала болмысынан»  екенін әу баста-ақ танытқан. Бойындағы туа біткен түймедей талантын, таудай талабының арқасында танытып, ақын атанған азамат 60 жасқа толды.

Өлең десе ішкен асын жерге қоятын, ерінбейтін еңбекқорлығының арқасында «Ғасырлар әуені», «Жүрек тербегенде», «Мен сені сағынғанда, «Тұмарым», «Күзгі бақтар», сонымен қатар «Дәрвиши» әншілер тобымен бірлесе 200-дей жаңа әндердің сөзін жазған, өлеңдер жинақтарының иесі Иминжан Тоқтияровтың биыл 60 жасқа толуы мен қатар таңдамалы жыр жинағының 1-томының тұсаукесері өтті. Шелек ауылының мәдениет үйінде. Бұл салтанатты басқосуға мектеп оқушылары мен ұстаздар, ақынның жерлес жақындары, жазушылар, өнер саласының өкілдері жиналды.

Жүзінен жылулық нәр төгеді,

Туған елдің атанып мәрт өрені.

Қырандай самғайтұғын биігінде,

Абыройы  артты бүгін мәртебелі.

Сиы артып жұртына, достарына,

Алпыстың шығып, міне, асқарына.

Ізбасар ұл, өрісті қыз өсіріп,

Жеткенде қазыналы шаққа мына, – деген шақта шаттықтың шымылдығын Шелек ауылдық округі әкімінің орынбасары Мәди Бектасов ашып, ақынды қос қуанышымен құттықтап, ақынның өмірбаянымен таныстырды. Қазақстан жазушылар одағы басқармасы төрағасының орынбасары, ақын Бақыт Беделханұлы, Қазақстан жазушылар одағының мүшесі, «Ерен еңбегі үшін» медалінің иегері Авут Мәсимов, ұстаз, Еңбекшіқазақ ауданының құрметті азаматы Иминжан Юнусов, «Іле өңірі – Или вадиси» газетінің бас редакторы Абдуманап Аблезов, «Дәрвиши» әшілер тобының мүшесі  Райм Хамраев, «Қазақ әдебиеті» газеті бас редакторының орынбасары Қанағат Әбілқайыр, аудандық ұйғыр мәдениет орталығы төрағасының орынбасары  Нұржамал Хасанова, тағы басқалар сөз сөйлеп, өлеңдерін оқып, сыйлықтарын тапсырып, шапандарын жапты. «Адасқан арман» атты жаңа шыққан таңдамалы жыр жинағының тұсаукесер рәсімі болды. Жиын соңы концертпен аяқталды.

Анарбек БЕРДІБАЕВ.

 

Оқылды 1774 рет
Осы категориядағы басқа материалдар: « Сыйлаған сұлу өлең халық үшін Сан қырлы саңлақ »

Соңғы жаңалықтар

Сәу 03, 2025

2025 год

Сәу 03, 2025

Закон

Сәу 03, 2025

Алматы облысында 23 мыңнан астам …

Ұрпақтың ұлы істермен айналысуы жеткіншек шақтағы қағидалардан басталады. Білім алған…
Сәу 03, 2025

Медициналық қалдықтарды жинау,…

Медициналық қалдықтарды (әрі қарай мәтін бойынша –МҚ) жинау, сақтау мен тасымалдауға…
Сәу 03, 2025

«А» вируыстық гепатиті, жұғу жолдары…

Вирустық гепатит «А» – бауырды зақымдайтын, вирустан туындайтын жіті жұқпалы…
Сәу 03, 2025

Балалар ойыншығын қалай таңдау керек

Әрбір ата-ана үшін бала денсаулығы бәрінен де жоғары. Балаға ойыншық таңдау ата-аналардан…
Сәу 03, 2025

Колледж түлектері жұмыссыз қалмайды

Облыс әкімінің орынбасары Р.Исатаевтың бекіткен кестесіне сәйкес, аудандық Мансап…

Күнтiзбе

« Сәуір 2025 »
Дс Сс Ср Бс Жм Сб. Жк
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30        

Кез келген материалды
көшіріп басу үшін
mezet.kz - ке гиперсілтеме
қою керек 

Яндекс.Погода

 

https://kurs.kz/ - Курсы валют в обменных пунктах г. Алматы и других городах Казахстана

Жарнама

для детей, достигших 12 лет