Хиджама –ол дәстүрлі емес ем тәсіліне жататын, тері жабындысының бүтіндігін бұзу арқылы жүргізілетін, таза емес қанды адам ағзасынан шығаруға бағытталған терапиялық шара. Емнің бұл методикасы ұстарамен теріні тіле отырып, капиллярлы қанды ағызу, ал банканың көмегімен онда пайда болған вакуум қанның қысыммен шығуына әкеледі.
Стерильділік – бұл білікті маманның хиджама жасау кезіндегі №1 ережесі болуы керек.
Хидажама жасатуға барған кезде талап етіңіз:
- Таза және жеке банкаларды пайдалануды. Адамның тікелей тіндермен, қантамырлармен жанасатын құралдардың (бір рет қолданылатын ұстара, инелі балға т.б.) стерильді болуын;
- Тері жабындысының бүтіндігін бұзумен байланысты манипуляцияларды жасау кезінде стерильді бір рет қолданылатын қолғаптарды пайдалануды;
- Қызметкердің таза жеке қорғаныш құралдарын (көзілдірік, алжапқыш, бетперде т.б.) пайдалануын;
- Қол тазалығын сақтауға жағдайдың болуы (ыстық және суық суға қосылған раковина, сұйық сабын, антисептик, қағаз салфетка немесе электр кептіргіш);
- Бөлме ауасын алмастыру жағдайының болуы.
Хиджама- процедурасын жасатудың ең қауіпті салдары болып инфекциялық ауруларды жұқтырып алу не болмаса басқаларға жұқтыру болып табылады, мысалға АИТВ (адамның иммундық тапшылық вирусы), вирустық В, С, Д гепатиттері мен басқа да жұқпалы аурулар. Қызметтің бұл түрін ұсынатын «емшілер» барлық кезде қызмет көрсетуге қажетті көлмемдегі стерильді «банкалар» мен бір рет қолданылатын «ұстара» қоры болмауы мүмкін, салдарынан бір рет қолданған құрал жабдықтарды қайта қолдауға әкеледі.
Хиджаманың қауіпсіздігі - өз клиенттерінің денсаулығы мен өз беделін ойлайтын, өзін құрметтейтін шебердің негізгі ережелерінің бірі.
Еңбекшіқазақ аудандық
СЭББ басшысының орынбасары Д.Бақберген
