Дерматомикоз – микроскопиялық саңырауқұлақтар тудыратын, адам мен жануарларға ортақ, жұқпалы тері ауруы.
Жұқпа көзі – науқас адаммен немесе жануармен (үй және ауылшаруашылық малдар) тікелей байланыста болған кезде, сондай-ақ науқас адамның заттарын (киім, бас киім, тарақ, қайшы, орамал, төсек-орын) пайдаланған кезде жұғады
Аурудың алғашқы белгілері көбінесе денеде, бас терісінде және тырнақтарда пайда болады. Біртіндеп қызарған дақтардың пайда болуынан басталып, кейін көптеген ошақтарға өтеді. Жиі жағдайда қабыну белгілері терінің ашық жерелерінде, бастың шаш өсетін бөлігінде, сыртқы жыныс органдарында, өкше терісінде дамиды. Тері мен бастың трихофетиясы көбіне балалар мен жасөспірімдерде байқалады.
Аурудың алғашқы белгілері науқаспен (қолданған затымен) немесе жануармен қарым қатынастан кейінгі бір апта ішінде дами бастайды.
Дерматомикоздың негізгі белгілері:
- теріде гиперемиялық (қызарған) аймақтардың пайда болуы;
- аяқ-қолдың тырнақ пластиналарындағы патологиялық өзгерістер;
- теріде қызыл дақтардың, қабыршақтардың пайда болуы;
- терідегі көпіршіктердің пайда болуы;
- дененің қышуы және қызуы.
Дерматомикоздың алдын алу мен сақтық шараларына:
- жеке бас гигиена ережелерін сақтау, отбасының әрбір мүшесінде жеке гигиена заттарының болуы;
- қоғамдық (монша, жағажай т.б.) орындарда жалаң аяқ жүрмеу;
- қоғамдық орындарға барғаннан кейін қолды сабынмен мұқият жуу;
- бөтен адамдардың бас, аяқ және іш киімдерін кимеу, сүлгісін пайдаланбау;
- киімдеріңіз бен аяқ киімдеріңізді таза ұстау;
- табиғи матадан тігілген киімдерді кию;
- бөтен адамдардың маникюрге арналған заттарын, тарағын, шаш қыстырғыштарын пайдаланбау;
- аулаңыздағы үй және ауылшаруашылық жануарлардың денсаулығын үнемі қадағалап, саңырауқұлақтық зақымдануға қарап -тексеріп отыру.
Дерматомикоздың алғашқы белгілері пайда болған кезде тез арада дәрігер дерматологқа көрініп, тек тағайындалған емді алып, өз бетіңізше ем жасамау керек.
Еңбекшіқазақ аудандық СЭББ
басшысының орынбасары Д.Бақберген
