Оба аса жұқпалы, карантинді инфекциялар тобына жататын ауру. Инфекцияның жабайы табиғаттағы көзі құмды, шөлейтті аумақтарда өмір сүретін кеміргіштер, ауру қоздырғышын тасымалдауышы бүргелер саналады.

        Ауру қоздырғышы  жабайы табиғаттағы кеміргіштер арасында тұрақты түрде айналымда болғандықтан, обадан қолайсыз аумақта жұмыс жасайтын: мал азығын дайындайтындар, аңшылар, малшылар, серуендеп шығушылардың ауруды жұқтыру қауіпті үнемі сақталады.  

     Сонымен қатар, адам үшін жұқпаның көзі болып ауруды жұқтырған үй жануарлары,  ауылшаруашылық малдар мен  басқа да аңшылықтың нысаны болып табылатын жабайы жануарлар (қоян, түлкі, суыр, сарышұнақтар және т.б.) табылуы мүмкін.

      Ерекше назарда оба жұғу қауіпі жоғары, қолайсыз аумақтарда болған адамдарды ұстау керек, оларға  малшылар, барлау жасақтары, геологтар, құрылысшылар.  Адам оба ауруынан  эпизоотия жүріп жатқан аумақта болған кезде оба қоздырғышын жұқтырған бүрге шаққанда немесе адам тұратын жерге тасымалдаушыны мысық, ит, үй тышқандары әкелуі мүмкін.

       Оба қоздырғышын жұқтырған адамның өзі басқа адамдарға ауруды таратушы болып саналады. Ауру қоздырғышы ауа және  қарым-қатнас арқылы, науқасқа  күтім жасағанда және оның жеке заттарын пайдаланғанда жұғады. Сол себептен ауру жұқтырған науқас  дереу оқшауланып, қарым қатынаста болған адамдар дәрігерлік бақылауға алынуы қажет. 

білінбейді, ол тек 2 ші не болмаса  6 шы күндері ғана біліне бастайды.

     Оба қоздырғышының адам ағзасына түсу жолдарына қарай ауру ағымының бірнеше түрін ажыратуға болады:

• бубонды түрі, ол бүрге шаққан жерге жақын жерде орналасқан қолтықасты, шат, мойын, жамбас лимфа бездерінің жанында ауырғыш келетін ісік (бубон) пайда болады.

-септикалық түрі, бұл кездегі аурудың белгілеріне науқастың аяқ асты дене қызуы көтерілуі, ентігу, қан тамыры соғысы жиілеуі, сандырақтау, қозғалысының шектелуі байқалады.  Науқастың терісінде геморагиялық бөртпелер пайда болуы мүмкін. Аурудың ағымы небәрі 2-3 күнге дейін созылады.

     -өкпелі түріне тән белгілерге: аяқ асты қалтыраудың пайда болуы, басының қатты ауруы, әлсіздік, дене қызуының  +40,0С - қа дейін көтерлуі. Коньюктивит пайда болуы мүмкін.  Жиі жағдайда аурудың ағымының 2-ші күніне науқаста кеуде қуысында ауру сезімі, сонымен қатар қақырақ аралас жөтел пайда болады, бірнеше сағаттан соң қан аралас қақырақ бөлінеді.    

      Обаға қарсы қызметпен оба бойынша қолайсыз елді мекендер аумағында арнайы барлау жұмыстары жүргізіліп, эпизоотия анықталған аймақтарда алдын алу  іс шаралар атқарылады, оған: сол аймақтағы тұрғындарды  обаға қарсы егу, табиғи ошақтағы эпизоотиялық белсенділікті төмендету үшін, дала кеміргіштермен күресу, жұқпаны тасымалдаушы бүргелердің көзін жою.

      Обаға қарсы егу, аурудың алдын алудың басты шарасы болып саналады.         Табиғатқа серуенге шыққан болсаңыз кеміргіштердің көп шоғырланған жерінен алшақ жүріп, бүргенің шағуынан  сақтану қажет.

Еңбекшіқазақ аудандық СЭББ басшысының орынбасары Д.Бақберген