Бейсенбі, 26 Мамыр 2022 11:28

«Жайылым» жобасы жаңа мүмкіндікке жол ашады

Қазіргі таңда табиғи жайылымдарды тиімді пайдалану – өте өзекті мәселе. Бүгінде үкіметтің алдына қойған мақсаттарына сай ет экспортын жүзеге асырудың алғышарты еліміздегі жайылымдарды барынша игеру арқылы мал басын өсіріп, экологиялық таза өнім өндіруге ұмтылу маңызды бағыт болып тұр.

Аудан әкімдігінің үлкен залында өңіріміздің жайылымдарын тұрақты пайдалануға мүмкіндік беретін, көпжақты серіктестік пен инновацияны негіз еткен «Жайылым» жобасы аясында арнайы конференция өтті. Аталған конференцияға аудан әкімінің орынбасары Бауыржан Бименов, Еуроодақтың Қазақстандағы Ынтымақтастық департаментінің басшысы Йоханнес Стенбек, «Қазақстан АгроОдақ» қауымдастығының президенті Алик Сағындықов, «Қазақстан фермерлер» қауымдастығының бас директоры Владимир Левин, округ әкімдері, бірқатар шетелдік мамандар мен кәсіпкерлер қатысты.

Ең әуелі, аудан әкімінің орынбасары Бауыржан Бименов өңіріміздегі жайылымдық жерлерді мемлекет меншігіне қайтару мен оны пайдаланудың жаңа механизмі жасалып жатқандығын айтып, Еуроодақ пен Қазақстаның  ынтымақтастық аясында қолға алына бастаған игі жобаның сәтті жүруіне барынша қолдау білдіретінін жеткізді. Жоба ауданымыздағы жайылымдық жерлерді пайдалану, мал шаруашылығының тұрақтылығы мен тиімділігін арттыруға бағытталған. Жоба аясында мал шаруашылығының экономикалық тиімділігін арттыруды ұйымдастыру, климаттың өзгеруінен туындайтын қауіптердің алдын алу және оған бейімделу мүмкіндіктері бойынша оқытумен қатар, туындаған қиындықтарға техникалық қолдау көрсетіледі. Сондай-ақ, жоба аясында Ақши, Қаражота, Асы, Қырбалтабай және Сөгеті сынды бес ауылдық округте жайылымдық жерлерді тұрақты басқару мен пайдалану жөніндегі аудандық үйлестіру кеңесі мен жайылым пайдаланушылар қауымдастығы құрылады.

Жоба шеңберінде мамандар жайылымдарды басқарудың тұрақты жоспарларын әзірлеп, оны нақты  жүзеге асырудың сынағын өткізбек. Ол үшін Еуропалық мамандар Сөгеті ауылдық округінде жайылымды басқарудың пилоттық компьютерленген жүйесін енгізбек. Кездесуде Еуроодақтың Қазақстандағы Ынтымақтастық департаментінің басшысы Йоханнес Стенбек Мадсен климаттың өзгеруінің алдын алу мақсатында ресурсты үнемдейтін экономиканы құруға бағытталған жаңа өсу стратегиясы – «ЕО Жасыл» келісімі, сондай-ақ ынтымақтас-тықтың жаңа мүмкіндіктері туралы айтты. Сонымен қоса, департамент басшысы Қазақстан мен Еуроодақ арасындағы кеңейтілген серіктестік еліміз ауылшаруашылығының  экономикалық тиімділігін арттыруға  серпін  беретіндігіне сенім білдірді.

Аудандық ауыл шаруашылығы мен жер қатынастары бөлімінің бас маманы Талғат Өмірханұлы екі тарап арасындағы селбестіктің  алғашқы күнінен бастап барлық жобаларында қатысып келе жақандығын, оның өзіндік артықшылықтарға ие екендігін баяндады. Айтар болсақ, «Жайылым» жобасына  Еуроодақтың еліміздегі өкілдігі қаржылық қолдау көрсеіп отыр. Ауданымыз аясында атқырылып, 274 981 еуро қаржы қарастырылған жобаны жүзеге асыруға «FELCOS-Umbria» қауымдастығы (Италия, жетекші серіктес), «IsMed-CNR» Ұлттық зерттеу кеңесі (Италия), «Қазақстан АгроОдақ» қауымдастығы, «Қазақстан фермерлер» қауымдастығы мен аудандық ауыл шаруашылығы және жер қатынастары бөлімі атсалысатын болады. Конференциядан соң шетелдік мамандар«Есік» мемлекеттік тарихи-мәдени қорық-музейіне ат басын бұрып, өлекеміздің сан мың жылдық терең тарихы мен өркениетіне де зер салды. Еуроодақтың Қазақстандағы Ынтымақтастық департаменті ауданымыздағы бірқатар  кәсіпкерлерге қаржылай және техникалық қолдау көрсетіп келеді. Еуроодақ мамандары ауданымыз аумағындағы қаржылай көмек берген кәсіпкерлік нысандарға да арнайы барды.Олардың нақты жағдайын көзбен көрген шетелдік мамандар кәсіпкерлердің іскерлігін жоғары бағалады.

 

Е.АСЫЛ.

Оқылды 3339 рет

Соңғы жаңалықтар

Маус 26, 2025

Начало было в 30-х продолжение в…

Если театр начинается с вешалки, завод с проходной, то газета – с людей и событий,…
Маус 26, 2025

Ақпарат айдынында

28 маусым күні елімізде бұқаралық ақпарат құралдары қызметкерлерінің күні аталып өтеді.…
Маус 26, 2025

Көз көрген

1992 жылы Тәуелсіздігімізге жыл толды. Өзіміздің Ата заңымыз, Ел басымыз, Мемлекеттік…
Маус 26, 2025

Мемлекеттік қызмет – мәртебелі…

Әрбір өркениеттің өріне қадам бастаған мемлекеттің ең басты тірегі, оның идеясы мен…
Маус 26, 2025

МВД: Пранки не повод нарушать закон

Министерство внутренних дел обратилось к "пранкерам", передает Polisia.kz. - Уважаемые…
Маус 26, 2025

ІІМ: Пранктар заң бұзуға себеп емес

Ішкі істер министрлігі пранк ұйымдастырып, контент жасайтын азаматтарға үндеу жасады, -…
Маус 25, 2025

Жазғы шомылу маусымы: жағажайлардың…

Алматы облысында жазғы шомылу маусымының басталуына байланысты су айдындарының…
Маус 24, 2025

Алматы облысы әкімінің өкімімен…

Бақытнұр Бақытұлы 1986 жылы туылған, білімі жоғары, 2008 жылы Нархоз университетін…
Маус 24, 2025

Распоряжением акима Алматинской…

Бакытнур Бакытулы родился в 1986 году, имеет высшее образование. В 2008 году окончил…

Күнтiзбе

« Маусым 2025 »
Дс Сс Ср Бс Жм Сб. Жк
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30            

Кез келген материалды
көшіріп басу үшін
mezet.kz - ке гиперсілтеме
қою керек 

Яндекс.Погода

 

https://kurs.kz/ - Курсы валют в обменных пунктах г. Алматы и других городах Казахстана

Жарнама

для детей, достигших 12 лет