Осындай ұранмен 18 қыркүйекте өткен республикалық сенбілікке аудан тұрғындары жұмыла қатысып, табиғатты күл-қоқыстан тазартуға өз үлестерін қосты.
«World cleanup day 2021», «Birge – taza Qazaqstan» акциясы барысында ұйымдастырылған тазалық шарасына қатысушы жергілікті тұрғындар, білім беру, денсаулық сақтау және басқа да сала қызметкерлері көшелерді, саябақтар мен қоғамдық орындарды қоқыстан аластатып, көпшілікті туған жердің тазалығын сақтауға шақырды. Сенбілікке 100-ге жуық техника тартылды. Тазалық акциясы кезінде аудан аумағынан 3 мың тонна қоқыс жиналды.
Сонымен қатар, ауқымды шара барысында ауылдық округтердің жол жиектері, кіреберіс аркалары, дүкендердің сырт келбеттері және қоқыс төгетін орындар бір жүйеге келтірілген болатын.
С.НҰРАДИН.
