Құрметті аудан тұрғындары мен қонақтары!

Баршаңызды Алғыс айту күнімен шын жүректен құттықтаймын!

Бұл мереке – ортақ тарихымызға көрсетілген зор құрметтің көрінісі. Тәуелсіз қазақ жеріне, мейірбан алаш жұртына деген ризашылықтың белгісі.

Азаттық жылдарында ел бірлігін нығайта отырып, татулық пен келісімнің бірегей үлгісін қалыптастырдық. Тәуелсіздік тағдыры таразы басында тұрған «Қаңтар қасіретінде» бірлігімізді берік сақтап, сын сағатынан сүрінбей өттік.

Бүгінде ынтымақтастық сияқты берік құндылықтар елімізді біріктіруші күшке айналып, болашаққа деген нық сенім мен жауапкершілік арта түсті.

Қазіргі таңда «Жаңа Қазақстан» жаңғырту бағдарламасы аясында халықтың әл-ауқатын арттыру үшін кешенді шара-лар қабылдануда. Бүгіні жарқын, келешегі кемел Еңбекшіқазақ ауданында да биылға атқарылар игі істер мол.

Сондықтан Алғыс айту күнінің басты мәні – тарихи жадыны сақтау, ұрпақтар сабақтастығы мен іргесі берік ел бірлігін нығайту болып табылады.

Баршаңызды Алғыс айту күнімен тағы да шын жүректен құттықтай отырып, отбасыларыңызға бақ-береке, бейбіт өмір және мол табыстар тілеймін!

Қуат Елеусізұлы Сұлтанғазиев,

Еңбекшіқазақ ауданының әкімі