Мәдениет – қоғамның рухани қозғаушы күші, халықтың ортақ игілігі. Кез- келген ұлт ең алдымен өзінің төл тарихымен, дәстүр-салтымен, өркенді өнерімен әлемдік мәдениеттің бір бөлшегі бола алады. Сол мәдениеттің өзекті бөлігі – өнер. Өнер – мәдениеттің алтын қазынасы, адамның ұлылығын білдіретін ғажап көріністердің бірі.
Жуырда осындай өнердің бірі1978 жылы Шелек ауылдық мәдениет үйі жанынан құрылған «Жігер» вокалды аспапты ан-самблінің негізін қалаған, музыкант Камшат Киезбаевпен Шелек тарихи-өлкетану музейінде тұлғаның өнер жолымен танысу мақсатында кездесу өтті.

Шара барысында Камшат Киезбаев өзінің балалық шағы мен өнер жолындағы жетістіктеріне тоқталып, «Жігер» ансамблінің қалай құрылғаны туралы айтып, көрермендермен қосыла қа-зақ вальсінің королі Шәмші Қалдаяқовтың әндерін орындады. Шара соңында музей қызметкерлері К.Киезбаевқа «Шелек тарихи-өлкетану му-зейі» кітабын сыйға тартып, шапан жауып, құрмет көрсетті. Шарада К.Киезбаевтың шәкір-ті Калбуви Скакова Исраил Сапарбаевтың «Сол бір кеш» әнін орындады. Шараны Ы.Алтынсарин атындағы орта мектептің оқушылары және ауыл тұрғындары тамашалады.

Жанар БОРАЛТАЙҚЫЗЫ,
Шелек тарихи-өлкетану музейі.