Абай атындағы қазақ орта мектебі-мектеп жанындағы интернатымен толыққанды жөндеуден өтіп, қайта жаңғырған оқу орнында жаңа оқу жылы қуанышпен басталды. Сонымен қатар, мәртебелі мамандық иелері, мектептің жүрегі саналатын ардагер мұғалімдер – халық ағарту ісінің озық қызметкерлері, ұлағатты ұстаздар, оқу ісінің үздіктері, қоғам қайраткерлері құрметтеліп, оқу кабинеттеріне есімдері берілді.

Жақында өткен мұғалімдер күнін атап өткен бұл оқу орнының ұжымы ардақ тұтатын ұстаздарын – Рахымғали Ыбырайымұлын, Жұмағайша Мұхамет-жанқызын және Нұрақын Өмірәліұлы мен Несіпжан Нұрахметованы еске алып, оқу кабинетіне олардың есімдерін беріп, салтанатты түрде ашқан еді. Көп ұзамай мұндай жақсылық іс жалғасын тауып, тағы да он кабинетке осы мектепте шәкірт тәрбиелеген білікті де білімді ұстаздардың есімі бұйырды.

Атап айтқанда, осы мектепте ұзақ жылдар ұстаздық еткен Байдар Күлиза Жалалқызына, Жолдасбаева Сәуле Серғожақызына, Махмутов Мірәділ Омарұлына, Сұлтанов Керім Сұлтанұлына, Алдабергенова Роза Темірболатқызына, Апекова Гүлнәр Нұрмыханқызына, Кулетова Фарида Қалижарқызына және Ахметова Фарида Ахметқызына арнайы кабинеттер бөлініп, есімдері беріліп, салтанатты түрде ашылды. Әр каби-неттің тақырыптық стендтері үйлесімді көрнекілік етіп жасалған.
Мектептің ардагер ұстаздары, ауыл азаматтары кабинеттердің ашылу салтанатына қатысып, оқу-шылардың шағын концертін тамашалап, әрбір стендтермен танысты.
Анарбек МӨКІШҰЛЫ.