Республика күні – Тәуелсіз мемлекетіміздің іргетасы қаланып, ата-бабаларымыздың аңсаған азаттығына жол ашқан, бүгінде ерекше мәнге ие тарихи мейрам. Бұл күні Мемлекеттік Туды көтеру рәсімінің де маңызы зор. Аталмыш мерекені атап өту – барша отандастардың қуанышы. Осы орайда аудандық мәдениет үйінің алаңында Мемлекеттік ту көтеру рәсімі өтті. Салтанатты шараға Алматы облысы әкімінің орынбасары Нұржан Құдайбергенов, аудан әкімі Талғат Байеділов сонымен қатар мәслихат депутаттары, жергілікті әскери қызметкерлер, құқық қорғау органдарының өкілдері, аудан тұрғындары қатысты.

Облыс әкімінің орынбасары Нұржан Құдайбергенов аудан тұрғындарын мерекемен құттықтап, Республика күнінің маңыздылығын жеткізді.
– 1990 жылы 25 қазанда еліміз мемлекеттік егемендік туралы Декларация қабылдап, тәуелсіздікке алғашқы қадам жасады.Осы уақыт ішінде Қазақстан қуатты, тұрақты мемлекетке айналды. Бірлік пен келісім – біздің бас-ты байлығымыз. Қоғамдық келісімді сақтай отырып, жетістіктерімізді арттырып, жарқын болашақты қамтамасыз етеміз. Республика күнін мерекелеу – еліміздің өркендеуіне негіз болған құндылықтардың маңыздылығын көрсетеді. Бүгінгі Ту көтеру рәсімі – ұлттық рух пен патриотизімнің белгісі. Баршаңызды Республика күнімен шын жүректен құттықтаймын. Туымыз әрқашан биікте желбірей берсін, – деді Нұржан Кеңесұлы.​
Салтанатты шарада 6654 әскери бөлім оркестрінің сүйемелдеуімен Ту көтеру рәсімі өтіп, Мемлекеттік Гимн шырқалды. Алыстан көзге ыстық көрініп, Гимнің әуенімен желбіреген Тудың бейнесі барша қатысушы-лардың патриоттық сезімін оятқандай. Мерекелік шара соңы концерттік бағдарламаға ұласып, аудан өнерпаздары өнер көрсетті. Әуелете ән салған әнші-лер көпшілікке көтеріңкі көңіл-күй сыйлады.

Айерке МЕРЕКЕҚЫЗЫ.