Қазақстанды тәуелсіз етудегі құқықтық
бастама болған, 1990 жылдың 25 қазанында Қазақ КСР Жоғарғы Кеңесінің қаулысымен тарихи құжат – «Қазақ КСР Жоғарғы Кеңестік Социалистік Республикасының мемлекеттік егемендігі
туралы» Декларация қабылданған-ды. Тәуелсіздіктің алғашқы бастауы саналатын бұл мереке ондаған жылдан кейін қайта жаңғырып, биыл міне, үшінші жыл бүкіл ел болып тойлап келеміз.
Барша елмен бірге Шелек ауылдық округінде Республика күніне арналған мереке Ту көтеру рәсімімен басталды. Көгімізде көк Тудың желбірегені, елдігіміздің егемендігінің басты дерегі екенін паш етіп, мәдениет үйі ауласындағы Туды көтеруге осы өңірдіңтұрғындары мен жастар, құрметті қонақтар қатысты.
Мемлектеттік Ту көтеру рәсімінде аудан әкімінің орынбасары Ертай Нұрмаханов жиылған көпшілікті құттықтады. Одан кейін жиналған жұрт Мемлекеттік Гимнді орындап, елге деген құрметін білдірді. Сонымен бірге Ту да көтеріліп, Қазақстанның тәуелсіз ел екенін дәлелдеп, көкте желбіреп тұрды. Осы сәтте халықтың еліне деген сүйіспеншілік сезімі артып, ел бірлігінің, тәуелсіздігіміздің мәңгілік екенін паш етіп тұрды.

Анарбек МӨКІШҰЛЫ.