Алматы облысы «Тіл» оқу-әдістемелік орталығы Шелек ауылдық округ филиалы қызметкерлерінің ұйымдастыруымен мәдениет үйінде 1986 жылы Желтоқсан көтерілісіне қатысқан азаматтармен кездесу өтті.
«Тәуелсіз елім – Қазақстан» атты жүздесуге Шелек политехникалық және медицина колледжінің студенттері қатысып, тәуелсіздік, Отан, ерлік туралы ақындардың жазған өлеңдерін жатқа оқып, КСРО-ның құлауына,ел тәуелсіздігін алуға алғашқы себеп болған елеулі оқиғаның ортасында болған ардагерлерге құрмет көрсетті. «Тіл» орталығының меңгерушісі Балжан Ахметова сөз сөйлеп, жастарға өздерінің негізгі атқаратын міндет-терімен таныстырып, Желтоқсан оқиғасы туралы бейнеролик көрсе-тіп, суретті қабырға газетімен, кітап көрмесімен таныстырды.
Желтоқсан қатысушылары Садық Нұрлыбаев, Раушан Искакова, Жамила Арыстанбекова және Бибігүл Қашқынбаева жастарға сол қанды қақтығыста бастан кешкен оқиғаларынан естелік айтып берді. Бұл басқосуға Шелек ауылдық округі әкімі аппаратының жастар ісі жөніндегі әдіскер-нұсқаушы Әнел Жапанова мен журналист Анарбек Бердібаев қатысып, сол кездегі жастардың патриоттық, отансүй-гіштік борыштарын жоғары бағалап, олардың ерліктерін жастарға үлгі етті.
«Тіл» орталығы тарапынан ардагерлерге жол боларлық жорамал жасап, кітаптар сыйлады.
Анарбек МӨКІШҰЛЫ.
