Қазақстан Республикасы тәуелсіздігінің 33 жылдығына, Қазақстан Жазушылар одағының 90 жылдығына және шығармашылық ізденісінің 40 жылдығына орай ұйғыр халқының көрнекті ақыны Иминжан Тоқтяровтың (Иман- Ғайип) поэзия кеші Шелек мәдениет үйінде аталып өтті.
Аудан және Шелек ауылдық округі әкімдігінің ұйымдасты-руымен өткізілген бұл кештің иесі «Құрмет» орденінің, «Мә-дениет саласының үздігі» төс-белгісінің иегері, Қазақстан Журналистер одағының мүше-сі, Еңбекшіқазақ ауданының құрметті азаматы, белгілі ақын, журналист, аудармашы Иминжан Исмайилұлы 1987 жылдан бастап, бұрынғы Шелек аудандық «Еңбек туы – Әмгәк туғи» газетінде еңбек жолын басаған еді. Сол кезден-ақ ол ұйғырдың танымал ақыны Абдумежит Дөләтовты ұстаз тұтып, өлең жазып, көзге түсті. Әл-Фараби атындағы Қазақ Ұлттық университетінің журналистика факультетінің түлегі болған ол республикалық «Уйғур авази» газетінде қызмет етті. Ақын болуды армандаған Иминжан сол асуды бағындыра білді. Қырық жылдық шығармашылық ізде-нісінің, бойындағы титтей талантын таудай талабымен ұштастыра білуінің арқасында еліне танымал ақын атанды.
Ақынның «Жүрәк тәвригән-дә», «Варислар нахшиси», «Мән сени сеғинғанда», «Долана», «Миң сәвдалар чүшсиму башқа», «Тумарим», жазушы Авут Мәсимовпен бірігіп «Өмүр дастан», «Күзги бағлар» атты жыр жинақтарынан басқа «Асқақ арман» және «Әй, әй, заман» атты екі томдық топтамалар жинағы жарық көрді. Сонымен қатар ұйғырдың танымал композиторы, «Дәрвишилар» тобының жетекшісі Дилмурат Баһаровпен бірге әндерге жаз-ған 200-ден аса мәтіндері жұрт арасында шарықтап шырқалып жүр.
Иминжан – аудармашы ретінде де танылған жан. Оның Дағыстанның халық ақыны Расул Ғамзатовтың, қазақтың танымал ақындары Қадыр Мырзалиевтің, Бақыт Беделханның, Қалқаман Сарин-нің, тағы басқа ақындардың өлеңдерін, сондай-ақ Франц Кафа атындағы халықаралық сыйлығының лауреаты, қазақ руханиятының аса көрнекті өкілі, белгілі ақын Шөмішбай Сариевтің «Дүниені жалт қаратсам деп едім» деген өлеңдер жинағын аударып, ұйғыр халқының назарын өзіне жалт қаратты. Осындай ерен еңбегінің арқасында ел құр-метіне бөленді.
Кеш жүргізушісі Қуддус Ғожамияров атындағы ұйғыр музыкалық-комедия театрының жүргізушісі Абдуманап Махмутжан ақынның өмірбаянымен таныстырған соң, белгілі бір себеппен кешке келе алмаған Ш.Сариевтің жары Жұмагүлдің Иминжанға арнаған құттықтау бейне сөзіне назар аудартты. Одан кейін ұйғыр балалар жазушысы, Қазақстан Жазушылар одағы Басқарма төрағасының кеңесшісі Авут Мәсимов төраға Мереке Күл-кеновтың атынан құттықтап, иығына шапан жапты және «Сәуле – Қуяш» әдебиет қорының ақшалай сыйлығын тапсырды. Облыстың және ауданның құрметті азаматтары Елеусіз Сұлтанғазиев, Иминжан Юнусов, ауылдық окург ақсақалдар-алқасының төрағасы Әбілбек Айтақынов, журналист, ақын, аудармашы Анарбек Бердібаев жерлестеріне жылы лебіздерін білдірді. Ақынның 60 жылдық мерейтойына орай жазылған Авут Мәсимовтың мақаласын және ақынның бір топ өлеңдерін республикалық «Қазақ әде-биеті» газетіне қазақша «сөй-летіп», жариялаған Анарбек Мөкішұлына алғысын айтып, шапан жапты.
Республикалық ұйғыр эт-номәдени орталығының Алматы қалалық филиалының төрағасы, Қазақстан халқы Ассамблеясының мүшесі, Қазақстан және Ресей Федерациясы медицина универ-ситетінің профессоры, Алматы қалалық №5 аурухананың бөлім меңгерушісі әрі ақынға әрқашан да қолдау көрсетіп жүрген жерлесі Әбәйдул-лам Жаппаров пен Алматы облыстық ұйғыр этномәдени орталығының төрағасы, Қазақ-стан халқы Ассамблеясының облыс бойынша филиал мүшесі Әркинжан Жумаев, сондай-ақ ауылдастары құрметті, ардагер ұстаз Турсунбүви Барзамов пен Байсейіт ауылдық ұйғыр этномәдени орталығының төрайымы Гоһарбуби Розахунова, тағы басқалар ақынды құттықтап, сый-құрметтерін көрсетті.
Ұйғыр театрының әртістері концерттік бағдарламасын көпшілік назарына ұсынды. Танымал актері Парһат Даутов Абай Құнанбаевтың кейпіне енді. А.Розыбакиев атындағы мектептің оқушылары ақынның өлеңдерін мәнерлеп, жатқа оқыды. Кеш соңында «Сәуле – Қуяш» әдебиет қоры Иминжан Тохтияровтың редакторлық етуімен басылған бірнеше ұйғыр ақын-жазушылардың жа-ңа кітаптарының тұсаукесері болып, ол кітаптар кешке келген қонақтар мен А.Розыбакиев, Т.Кенжебаев, И.Тайыров атындағы мектептердің кітап-ханасына табыс етілді. Кешті қорытындылап, ақынның өзі сөз сөйлеп, өлеңнен шашу шашты. Кеш ақ дастархан басында жалғасын тапты.
Анарбек МӨКІШҰЛЫ.
