Облыс әкімінің орынбасары Р.Исатаевтың бекіткен кестесіне сәйкес, аудандық Мансап орталығы мен Шелек политехникалық колледжі бірлесіп ашық есік күнін өткізді. Аталған шара биылғы жыл  «Жұмысшы мамандықтар жылы» болып жариялануына байланысты жұмысшы мамандықтарының маңыздылығын арттыру, жастарды осы салаға тарту және еңбек  нарығында сұранысқа ие мамандықтар бойынша білікті кадрларды даярлау мақсатында  ұйымдастырылды.

Ауқымды шараға Мансап орталығының маманы Л.Қуанышбекова, Шелек ауылдық ардагерлер кеңесі-нің төрағасы, аудандық қоғамдық кеңес мүшесі Ә.Айтақынов, колледж дирек-торы Қ.Дүйсебаев, аудандық және жергілікті әкімдік қызметкерлері, жұмыс беруші серіктестер, жастар ресурс-тық орталығының әдіскер-нұс-қаушылары, сонымен қатар колледж студенттері қатысты.

Жиналыс барысында колледж директоры  Қ.Дүйсебаев колледж студенттері отандық ірі компанияларда жұмысқа тұратынын жеткізді.

– «Жұмысшы мамандықтар жылының» ашылу салтанатына қатыстым. Бұл сапарда біз үлкен компаниялармен,  атап айтсақ, «KEGOC» компаниясы, құрылыс мамандарын дайындайтын «Benk» компаниясы, «Hyundai» орталығымен  қазіргі кезде сұранысқа ие болып отырған электр, газбен дәнекерлеуші, тракторист, машинист, автомобиль көлігіне техникалық қызмет көрсету, жөндеу және пайдалану мамандықтары бойынша меморандумға қол қойылды. Колледж студенттері 3 курста осы компанияларда өндірістік тәжірибеден өтетін болды. Біздің мақсатымыз – колледж түлектерін  болашақта өзінің мамандығы бойынша жұмысқа орналасуын қамта-масыз ету. Одан бөлек, біздің Еңбекшіқазақ ауданында ор-наласқан «Жетісу Вольфрамы» компаниясымен 2 жыл бұрын келісімшарт жасадық. Жақында студенттерімізді аталған компанияға апарып, өздерінің болашақтағы жұмыс орындарын көрсетіп келдік. Енді өндірістік тәжірибеге әр мамандық бойынша 25 студент апару жоспарлануда, – деді.

Жайна ЕПТІБЕКҚЫЗЫ.