Бұл өткен жылмен салыстырғанда 10 мыңға артық. Алғаш рет мектеп табалдырығын 30 мыңнан астам бала аттамақ.
Жаңа оқулықтарға шамамен 3 млрд теңге бөлінді. Әлеуметтік санаттағы 60 мыңнан астам оқушы мектеп формасы мен кеңсе тауарларымен қамтамасыз етіледі. Сондай-ақ облыстағы 176 мың бала тегін ыстық тамақпен, ал 35 мың ауыл оқушысы тамақтың тегін жеткізілуімен қамтылады.
Жалпы 2025 жылы мектеп бітірушілердің саны – 17 940. Оның ішінде 1 432 түлек «Алтын белгіге», 1 513 түлек үздік аттестатқа үміткер. Барлығы 7 681 түлек мемлекеттік грант иеленбек. Сонымен қатар облыс әкімінің бастамасымен 30 атаулы грант бөлінеді.
Алматы облысының оқушылары халықаралық білім сайыстарында да жоғары жетістіктерге жетуде. «Дана» мектебінің Ільжанов Жангирі Грекияда өткен халықаралық экономика олимпиадасында үздік ондыққа еніп, жүлделі орындарға қол жеткізді. Сондай-ақ өңірдің жас өнертапқыштары Дубайда өткен First Off-Season жарысында екі бас жүлдені жеңіп алып, робот техникасы бойынша әлем чемпионатына жолдама алуы мүмкін.
2025 жылы облыста 9 жаңа мектеп пайдалануға беріледі. Бұл үш ауысымды оқытуды толық жоюға мүмкіндік береді.
