Елімізде 16-17 жастағы жасөспірімдер арасында қылмыс өршіп барады. Ресми статистикаға сүйенсек, Қазақстан 2025 жылы соңғы алты жылда ең жоғарғы көрсеткішке жеткен. 2025 жылы 1703 жасөспірім қылмыстық жауапкершілікке тартылған. Бұл өткен жылмен салыстырғанда 35 пайызға көп.
Жақында Шелек политехникалық колледжінің акт залында «Жастар және заң» атты дөңгелек үстел өтті. Бұл шараға Шелек полиция бөлімінің бастығы, полиция майоры Шоң Ынтымақ, Еңбекшіқазақ аудандық прокуратурасының прокуроры, кіші әділет кеңесшісі Дәурен Умбеталиев, ювеналды полиция тобының инспекторы Әсел Таукенова, Шелек ауылдық округі әкімі аппаратының жастар ісі жөніндегі әдіскер нұсқаушысы Жаннұр Ибраимова, ата-аналар комитеті, әкелер кеңесі, колледж әкімшілігі, оқытушылар мен студенттер қатысты.
Кездесу барысында кәмелетке толмағандар мен жастардың құқықтары және міндеттері, әкімшілік және қылмыстық жауапкершілік түрлері, тәртіп бұзушылық пен құқық бұзушылықтың алдын алу жолдары, интернет пен әлеуметтік желілердегі қауіпсіздік ережелері туралы прокурор, кіші әділет кеңесшісі Дәурен Умбеталиев, Шелек полиция бөлімінің бастығы, полиция майоры Шоң Шораұлы және ювеланды полиция тобының инспекторы Әсел Таукенқызы әңгімелеп, өзекті мәселелер сөз болды.
Жасөспірімдер арасында ең көп тіркелген қылмыс – ұрлық, бұзақылық, денсаулыққа әдейі жеңіл зақым келтіру, соққы беру мен тонау істері жиілеген. Мысалға, Шелек ауылындағы мектептер мен колледждерде бұзақылық жасап, ересек адамдарға дене залалын тигізген оқиға тіркеліп, тергеу жүргізіліп жатқаны айтылды.
Мұндай түрлі қылмыстың өсуін құқық қорғау органдарының мамандары әлеуметтік ортадағы қиындықтармен, жастар арасындағы тәртіп мәселелерімен байланыстырды. Сол себепті жастар арасында қылмыстың алдын алу шараларына құқық қорғау органдары мен қоғам тарапынан назар аударылда. Соның бірі – осы дөңгелек үстінде болған кездесу.
Кездесуде жастар өздерін толғандырған сұрақтарын қойып, заң саласының мамандарынан нақты жауаптар мен пайдалы кеңестер алды. Іс-шара жоғары деңгейде ұйымдастырылып, тәрбиелік және ақпараттық мәні зор болды.
Анарбек БЕРДІБАЕВ.
