Мен, Таиров Илахун Марупович, Еңбекшіқазақ ауданында 1971 жылы 26 қыркүйекте дүниеге келдім. 1989 жылы №7 кәсіптік лицейін аяқтадым. Еңбек жолымды 1989 жылы қарапайым жұмысшы ретінде бастадым. Қазіргі таңда жеке кәсіпкермін.
Құрметті жерлестер!
Белсенді, еліне жаны ашитын азамат ретінде ауданымызды дамыту, тұрғындардың әлеуметтік жағдайының жақсарту жолында еңбек ктуге дайынмын.
Еңбекшіқазақ ауданының білім беру саласындағы әлеуметтік маңызы бар бағдарламаларын әзірлеуге және іске асыруға, халықтың әлеуметтік осал санаттарын қолдауға, осы салалардағы мәселелерді шешуге барымды саламын.
Құрметті сайлаушылар!
Менің сайлауалды бағдарламам елді мекендерді дамытуға, азаматтардың жағдайын жақсартуға бағытталған:
– Елді мекендерді сумен қамтамасыз ету мәселесін шешуге ықпал ету;
– Елді мекендердегі ауыз су құбырларын жөндеу және оны иелікке өткізу мәселесін алға тарту;
– Елді мекендердегі ауыл көшелерін жөндеу жұмыстары, абатандыру, жарықтандыру мәселесін қарастыру;
– Елді мекендердің инфрақұрылымын дамытуға үлес қосамын;
– Округіміздегі тозған жолдарды қазіргі заманғы жоғары сапалы технология бойынша қайта жөндеу, жарық шамдары жоқ көшелерді жарықпен қамтамасыз ету, саябақтар салу, балалардың ойын алаңдарын көбейту. Көшелерді, аулаларды қоқыстан, қыс мезгілінде қардан уақтылы тазарту. Көшелерде арнайы белгілер мен бағдаршамдар орнату, автотұрақ орындарын көбейту;
– Экономикалық және әлеуметтік бағдарламалардың орындалуын бақылау;
– Емханаларда халыққа қызмет көрсетудің қол жетімсіздігін шешуге күш салу. Ауыл тұрғындарының денсаулығын сақтау және санитарлық-эпидемиологиялық саламттылықты қамтамасыз ету мәселелері бойынша өзара іс-қимылды күшейту арқылы сырқаттанушылықты төмендету және халықтың денсаулығын одан әрі нығайтуды, емханалардың халыққа қызмет көрсету сапасын жақсарту, емхана салу, білікті дәрігер мамандарын тарту, олардың біліктіліктерін арттыру курстарын ұйымдастыру. Соғыс ардагерлері мен оларға теңестірілген тұлғаларға үйде медициналық көмек көрсету, сондай-ақ, осы мақсатта мамандандырылған санитарлық автокөлік қызметін жүзеге асыруға күш салу;
– Мектептер жетіспеушілігін шешу. Мектептерде оқушылардың саны шамадан тыс болғандықтан, үш ауысымды кезекпен оқуға мәжбүр. Сондықтан жаңа мектеп салу мәселесін шешу – кезек күттірмейтін мәселе. Мектептердегі мұғалімдердің біліктілігін көтеру. мектептерде оқушыларды сапалы тамақпен қамтамасыз етуге ықпал ету;
– Әлеуметтік аз қамтылған отбасыларға, жетім балалар мен мүгедектерге әлеуметтік қолдаудың аздығы. Азық-түлік бағасы мен тұрмыстық-коммуналдық қызметтерге тарифтердің қымбаттауының себебінен осы санаттағы азаматтарға төленетін өтемақылар мардымсыз. Сондықтан бұл санаттағы азаматтарға осы бағытта әлеуметтік жеңілдіктер қарастыру, мекенжайлық әлеуметтік (азық-түлік) көмек көрсетуді қол жетімді етуге атсалысу;
– Округтегі қоғамдық тәртіп мәселесі. Қоғамдық тәртіпті күшейту, учаскелік инспектордың тұрғындармен жұмыс істеу сапасын жақсарту, патрульдік полиция қызметтерін толық қамтамасыз етуге күш салу;
– Жергілікті бюджет есебінен мемлекеттік мекемелерде қызмет атқаратын ұстаздар мен медициналық қызметкерлерге санаторий және демалыс үйлеріне жылына бір рет тегін демалу мәселесін қарастыру;
– Жаңа әлеуметтік объектілердің ашылуына ықпал ету;
Құрметті округ тұрғындары!
Бүгінде ел Президенті Қасым-Жомарт Тоқаев халыққа қажетті реформаларды жасау өзінің басты міндеті екенін айтып, әрі қарай мемлекетті дамыту, ауқымды-экономикалық өзгерістер жасау үшін саяси жаңғыруды іске асыруда. Қасым-Жомарт Тоқаев әділ әрі құқықтық мемлекет құру жолындағы ерекше маңызы бар нақты бастамаларды қолға алуда. Әрине, Президенттің бұл бастамалары іске асуы үшін, ең бастысы, әр адам өзін өзгертуі керек. Әр Қазақстан азаматының белсенділігі, ұлттық мүдде жолында ауызбіршілік танытуы, Президент айтып отырған жаңа саяси мәдениетті көрсетеді. Барлығымыз жаңа Қазақстанды құруға белсенділік көрсету болашақ алдындағы парызымыз деп білейік. Маған сенім білдірсеңіздер, сіздердің зор сенімдеріңізді ақтап, ауданымыздың көркейіп, гүлденуіне аянбай қызмет етемін.
Депутаттыққа кандидаттың сайлауалды бағдарламасын сайтта жариялау РЕСПУБЛИКАЛЫҚ БЮДЖЕТ ҚАРАЖАТЫНАН ТӨЛЕНЕДІ.