Мен, Қасымбаева Шолпан Бөлетайқызы 1961 жылы 4 шілдеде Есік қаласында дүниеге келдім. Білімім жоғары, 1984 жылы Алматы мемлекеттік медициналық университетін фармацевтика факультетін тамамдадым.

Еңбек жолымды 1984 жылы Қарағанды облыстық дәріхана басқармасының ұйымдастыру-фармацевтикалық бөлімінің инспектор-провизоры болып бастадым. Осы салада 1998 жылға дейін Алматы облысы Еңбекшіқазақ ауданы Есік қаласындағы Орталық дәріхананың аға провизоры болып еңбек еттім.

1998 жылдан бастап қазіргі уақытқа дейін жеке кәсіпкер ретінде аудан экономикасына өз үлесімді қосудамын, ЖК «Ш.Б.Қасымбаева» директоры. Сондай-ақ, 1998 жылдан бері «Қазақстан Республикасының фармацевтикалық қызметті қолдау және дамыту қауымдастығы» заңды тұлғалар бірлестігінің мүшесімін және 2019 жылдан бастап Алматы облысы бойынша филиалының директорымын.

Жеке азаматтық ұстаным ретінде ауданымыздың рухани, әлеуметтік-экономикалық, қоғамдық өміріне, мәдени-қайырымдылық іс шараларына белсенді қатысуды өмірлік мақсатыма айналдырдым.

Бүгінгі таңда Есік қаласының жергілікті қоғамдастық жиналысының жұмысына тұрақты қатысамын және Еңбекшіқазақ аудандық қоғамдық кеңесінің, Алматы облысының «Атамекен» кәсіпкерлер палатасы өңірлік кеңесінің мүшесімін.

«Шапағат», «Фармацевт мамандығына адалдығы үшін» медальдерімен және 20-ға жуық түрлі деңгейдегі алғыс хаттармен және құрмет грамоталарымен марапатталдым.

Тұрмыс құрғанмын, екі балам және немерелерім бар.

КАНДИДАТТЫҢ ҮНДЕУІ

Қоғамымыздың орнықты дамуы мен азаматтарымыздың тұрмысын жақсарту жолында өзімнің үлесімді қосу үшін тынымсыз жұмыс істеу менің негізгі азаматтық ұстанымымдарымның бірі. Соңғы жылда еліміз үшін елеулі сынақтарға толы болғаны анық. Дегенмен, біз өзіміздің бірлігіміздің арқасында қиындықтардан өте білдік, осылайша жаңа кезеңге қадам бастық. Мемлекет басшысының бастамасымен Конституциялық реформаны жүзеге асырдық, еліміздің ең басты салалары мен билік тармақтары түгелдей жан-жақты жаңғыртылуда. Осы бір дұрыс бағыттағы өзгерістерге, жаңа ұмтылысқа көрсетілген әрбір қолдау атқарылар бағдарлы жұмысқа зор серпін беретініне мен сенімдімін.

Қоғамдық бастамада жұмыс істейтін аудандық мәслихат депутаттығына үміткер етіп ұсынылуым маған үлкен міндет, зор жауапкершілік жүктейтіндігін толық сезінемін.

Мен аудандық мәслихат депутаты болып сайланған жағдайда, Қазақстан Республикасының Конституциясы мен заңдарын басшылыққа ала отырып өзіме жүктелген міндеттер мен өкілеттіктердің аясында осы сайлауалды бағдарламамда көзделген бағыттарды іске асыру үшін білімім мен жинақтаған тәжірибемді, күш жігерімді жұмсайтын боламын.

САЙЛАУАЛДЫ БАҒДАРЛАМА

1-мақсат.  Мемлекеттік бағдардаламалардың сапалы орындалуын басты назарда ұстау.

2-мақсат.  Мемлекеттік құрылымдардың қызметі халықтың игілігіне, азаматтардың сұранысы мен талап-тілектеріне бағытталуы тиіс.

3-мақсат. Жергілікті бюджеттік қаржыны басқару мен бақылауға қатысу.

4-мақсат. Әлеуметтік қорғау және қолдау шараларына көңіл бөлемін.

5-мақсат. Кәсіпкерлікті қолдау.

6-мақсат. Жан-жақты дамыған, өмір сүруге қолайлы орта.

7-мақсат. Қоғамдық қауіпсіздікті және құқықтық тәртіпті қамтамасыз ету

8-мақсат. «Жастар – біздің болашағымыз» деген қағиданы басшылыққа аламыз.

9-мақсат. Білім беру, денсаулық сақтау және әлеуметтік саладағы сапалы қызметтерге қол жеткізу басты мақсат болуы керек.

Құрметті сайлаушылар, қала тұрғындары!

Менің сайлауалды бағдарламамның негізгі мақсаты өзімнің ғана емес, жерлестерімнің, жалпы әрбір азаматтың ойында жүрген: лайықты жұмыс және тұрақты табыс, сапалы медицина мен білім, таза ауа мен ауызсу, үйлердегі жылу мен жайлылық, қауіпсіздік пен тұрақтылық сияқты түсінікті және қарапайым мәселелерге арналады және осы мәселелердің оң шешімін табуға өз үлесімді қосуды азаматтық ұстаным деп білемін.

Мен халық үшін адал еңбек етуге дайынмын!

Сіздерді  2023 жылдың 19 наурызында өтетін сайлауда белсенділік тантып, қолдау көрсетуге шақырамын.

Көзделген мақсат-міндеттерге бірге жетейік!

Депутаттыққа кандидаттың сайлауалды бағдарламасын сайтта жариялау РЕСПУБЛИКАЛЫҚ БЮДЖЕТ ҚАРАЖАТЫНАН ТӨЛЕНЕДІ.