Мен Нүсіпқожаев Ерлан Жүнісбайұлы, 1967 жылы 18 желтоқсанда Алматы облысы Нарынқол ауданы (бүгінгі таңда Райымбек ауданы) Сарыбастау ауылында дүниеге келдім. 1985 жылы сол ауылдың орта мектебін бітірдім. Қазіргі таңда Еңбекшіқазақ ауданының Ақши ауылында тұрамын. 1986-1988 жылдары әскери борышымды кеңес әскері қатарында Германия жерінде өтедім, кейін Алматы құрылыс және менеджмент колледжінде білім алып, «Теплотехник» мамандығы бойынша аяқтадым. Ал 2006 жылы «Дарын» әлеуметтік гуманитарлық институтынан педагог-психолог, психолог-заңгер мамандығын алып шықтым.

Еңбек жолымды 1985 жылы қарапайым жұмысшыдан бастап, кейін 1988-1992 жылдары ішкі  істер  саласында, ал 1997 жылдан бері тұрғын-үй коммуналдық шаруашылығы саласында әртүрлі мамандықтарда еңбек еттім. Бүгінгі таңда Еңбекшіқазақ аудандық «Есік су» құбыры мекемесінде «мастер» қызметін атқарудамын.

Ақши ауылдық округі аумағында қоғамдық жұмыстарға белсенді қатысамын, қауымдастық жиналысының өкілімін және қамқоршылар комитетінің заңгері және төрағаның орынбасарымын.

Қазақстан халық партиясының мүшесімін және VII шақырылған аудандық маслихаттың депутаты болдым.

КАНДИДАТТЫҢ ҮНДЕУІ

«Ұлым» деп тұрған елге «елім» деп емірену қажет. Сондықтан менің мақсатым – туған елдің, туған жердің өзекті өткір мәселелерін шешуге барынша атсалыса отырып, елге лайықты қызмет ету арқылы өзімнің азаматтық парызымды орындау.

Мен Еңбекшіақазақ аудандық мәслихатының депутаты болып сайланған жағдайда, Қазақстан Республикасының Конституциясы мен заңдарын басшылыққа ала отырып өзіме жүктелген міндеттер мен өкілеттіктердің аясында осы сайлауалды бағдарламамда көзделген бағыттарды іске асыру үшін бар жинақтаған тәжірибемді, күш жігерімді жұмсайтын боламын.

Осыған байланысты, сіздердің алдарыңызға Қазақстан Халық партиясынан Еңбекшіқазақ аудандық мәслихаты депутаттығына №6 сайлау округі бойынша кандидат ретінде Өзімнің сайлауалды бағдарламамды назарларыңызға ұсынамын.

САЙЛАУАЛДЫ БАҒДАРЛАМА

1-мақсат: Тұрғындар мен жергілікті әкім аппараты арасындағы сенім қағидатын күшейту мақсатында, қордаланып қалған өзекті мәселелер мен қоғамдық құндылықтарға жіті назар аударып, оларды шешуге мүмкіндік жасау;

2-мақсат: Жергілікті қоғамдастық жиынында немесе жергілікті қоғамдастық жиналысының рөлі мен жұмысын жетілдіруге қатысу;

3-мақсат: Ауыл тұрғындарының табысын арттырып, азық-түлік қауіпсіздігін қамтамасыз етуге назар аудару;

4-мақсат: Елді мекендерді әлеуметтік игіліктермен қамтамасыз етуге,  жол және көлік  инфрақұрылымын, тұрғын-үй коммуналдық саланы жаңғыртуға бағытталған жұмыстарға бастамашылық жасау;

5-мақсат: Округ тұрғындарының қолайлы тұрмысы үшін халықты сумен, жылу мен жабдықтау және көшелер мен аулаларды абаттандыру мәселелеріне,  жарықтандыру жұмыстарын кезең-кезеңімен жүзеге асыру мәселелерін шешу бастамашылық жасау;

6-мақсат: «Біз – таза ауыл үшін!» ұстанымын басты бағыт етіп, тұрғындар денсаулығы мен ауыл тазалығын қамтамасыз ету мақсатында қалдықтар төгілетін аумақтың мәселесін шешуге назар аудару.

7-мақсат: Ауыл шаруашылығы саласы мен ауылдық аймақтарды кешенді дамыту – өзекті мәселелерді (жер, маман, технология, суармалы егіншілік, қаржыландыру, кооперация) шешуге ат саласу;

8-мақсат: Білім беру, денсаулық сақтау және әлеуметтік саладағы сапалы қызметтерге қол жеткізу және өзекті мәселелерді шешу арқылы ауыл тұрғындарының өмір сүру жағдайларын арттыру;

9-мақсат: Жастарға қолдау көрсетуге бағытталған шаралардың ауқымын арттыруға, олардың табысты әлеуметтенуі, жастардың әлеуетін дамыту үшін нақты жағдайдың жасалынуына назар аудару.

10-мақсат. Округ тұрғындарының, әсіресе, жас буынның бос уақытын тиімді өткізу, салауатты өмір салтын насихаттау мақсатында ауылға спорт инфрақұрылымдарын жаңғыртуға күш салу.

Құрметті ауылдастар, ардақты ағайын!

Сіздерді сайлауда Менің кандидатурамды қолдауға шақырамын. Мен алдыма Сіздердің сенімдеріңізді ақтау міндетін қоямын. Халықтың дауысы мен еркі бар екенін дәлелдейік! Жеңіске бірге жетейік!

Депутаттыққа кандидаттың сайлауалды бағдарламасын сайтта жариялау РЕСПУБЛИКАЛЫҚ БЮДЖЕТ ҚАРАЖАТЫНАН ТӨЛЕНЕДІ.