Мен, Байшеков Эрлан Ильдарұлы 1987 жылы 27 қаңтарда Еңбекшіқазақ ауданы Есік қаласында дүниеге келдім. Жоғары білімім бар: 2009 жылы Қазақ Ұлттық аграрлық университетінде жер кадастры мамандығы бойынша тәлім алдым. Еңбек жолымды 2008 жылдан АГДП НПЦ зем мекемесінде техник маманы ретінде бастадым. 2019 жылдан бері Тіркеу және жер кадастры бөлімі басшысының орынбасары қызметін атқарудамын. 2020-2022 жж. аудандық мәслихаттағы VII шақырылым депутаты болдым.

Отбасылымын.

Құрметті жерлестер!

Қазақстан – біздің ортақ Отанымыз. Оның игілігі де баршамызға – ортақ. Әрқайсымыздың атқарған ізгі істеріміз, яғни саяси көзқарасқа, тілге және діни танымдарға қарамастан мемлекетіміз бен ондағы халықтардың мүддесіне бағытталуы тиіс. Жасөспірімдер тәрбиесіне ерекше көңіл бөліп, жастар тәрбиесіне, ұлттық, мәдени орталықтардың, спорт ұйымдарының жан-жақты жұмыс істеуіне, зейнеткерлерді қамқорлыққа алып, олардың тұрмыстық деңгейін көтеруге және аудан жұртшылығының әл-ауқатын арттыру жөніндегі өзекті мәселелерді ортаға салып, шешіп отыруды борышым деп білемін. «АMANAT» партиясы Еңбекшіқазақ аудандық филиалы жанындағы Сыбайлас жемқорлыққа қарсы іс-қимыл жөніндегі қоғамдық кеңесінің мүшесі ретінде әріптестеріммен бірлесіп бірқатар жұмыстар жүргізгенмін. Үміт артсаңыздар, болашақта да ел сенімін ақтайтын нақты жоспарларым бар.

Әрбір адам, мейлі ол қалада немесе ауылда тұрсын, өзінің тұрған жерінің көркеюіне үлесін қосуы керек. Менің бағдарламам Қаракемер ауылдық округін  аудан, облыс көлемінде алдыңғы қатардан көрінуіне күш-жігерімді жұмсау. Ол үшін халықтың өкілі болу арқылы ықпал ету қажет екенін түсінемін.

 Құрметті сайлаушылар!

Әрине халыққа уәде беру мен үшін оңай нәрсе емес. Ол уәдені орындау одан да қиын болса да, үлкен жауапкершілікті мойыныма артпақпын. Біздің басты мақсатымыз – Әділетті Қазақстан ҚҰРУ! Ел мүддесі үшін білек түрер сәтте мен бағдарламама бірқатар міндеттер қойдым. Оларды аудандық мәслихат депутаты ретінде орындауға дайынмын.

– Қаракемер ауылына учаскелік полиция пунктін салуға;  

– Қаракемер ауылдық округінің аумағындағы стихиялық полигондарды жоюға арналған полигонды салуға;    

– Қаракемер, Сатай ауылдарындағы электр желілеріне жөндеу жұмыстарын жүргізуге;

– Сатай, Талдыбұлақ ауылдарының көшелеріне жарықтандыру бағаналарын орнатуға;

– Сатай ауылына жаңа мектеп салынуына ықпал етуге;

– Сумен қамтамасыз ету мәселесінің шешілуіне ықпал етуге;

–  Ұлтаралық, дінаралық татулықты сақтау жолында жұмыстар жүргізуге:

– Ауыл жастарының денсаулығы үшін спортпен шұғылданатын ғимарат салғызуға;

– Ауылдағы талантты жастар мен жасөспірімдердің тасада қалмай өнерін жан-жақты дамыту жолдарын қарастыруға;

– Тұрғындар арасында ауыл тазалығын сақтау мәдениетін қалыптастыруға;

– Жастарды қолдауға арналған іс-шараларға ұйытқы болу, олардың мәселелерін  шешуге ықпал етуге бар күш-жігерімді саламын.    

Менің сайлауалды бағдарламамда жоғарыда аталған жұмыс жоспарымның негізгі бағыттары аудан тұрғындарының өмірін, денсаулығын және әл-ауқатын жақсартуға бағытталған. Осы бағдарламамды жүзеге асыруға бар білімімді, тәжірибемді және күш-жігерімді жұмсауға әзірмін. Менің басты мақсатым – ауданымыздың игілігі!

Құрметті сайлаушылар!

Әлем көз алдымызда аса жылдам қарқынмен дамып бара жатқанын көріп отырмыз. Соған сәйкес Президентіміз Қасым-Жомарт Кемелұлы Тоқаевтың жүргізіп отырған саяси, экономикалық бағыттарын қолдасақ өкінбейміз деп сеніммен айта аламын. Сол себепті әрбір отандасымыз еліміздің дамып, тәуелсіздігіміздің тұғыры нық болуы үшін, өз әлінше үлесін қосуды ұмытпауы шарт.

Мен Еңбекшіқазақ өңірі тұрғындарының әл-ауқаты мен өмір сүру сапасын едәуір арттыру бойынша қойылған міндеттерді шешу үшін сайлауға қатысамын.

Біз бірге барлық мақсаттарға қол жеткізе алатынымызға сенімдімін. Мықты мемлекет құру жолында Маған сенім білдірсеңіздер, сіздердің зор сенімдеріңізді ақтап, Қаракемер ауылдық округінің көркейіп, гүлденуіне аянбай қызмет етемін!

19 наурыз күні саяси науқанға барша тұрғындарды қатысуға шақырамын. Әрқайсыңыздың дауыстарыңыз ел үшін де, мен үшін де өте маңызды.

Депутаттыққа кандидаттың сайлауалды бағдарламасын сайтта жариялау РЕСПУБЛИКАЛЫҚ БЮДЖЕТ ҚАРАЖАТЫНАН ТӨЛЕНЕДІ.