Мен Әжібек Еламан Сапарғалиұлы, 1996 жылы 30 мамырда Шелек ауылында дүниеге келдім. Білімім жоғары. 2018 жылы Алматы технологиялық университетінің экономика және бизнес факультетін тәмамдадым. Еңбек жолымды 2019 жылы Малыбай ауылдық округі әкімі аппаратында бас маман болып бастадым. Ағымдағы жылдың ақпан айынан бастап Асы ауылдық округі әкімінің орынбасарымын.

Құрметті сайлаушылар!

Мемлекеттік қызметте ұзақ уақыт еңбек етпесем де, ауылдағы мәселелерге қанықпын және оны шешу үшін тәжірибем мен күш-жігерімді жұмсауға әзірмін. Ауыл – елдің алтын бесігі. Сондықтан ауылды дамыту - баршамыздың міндетіміз. Осы мәндетті орындау үшін маған сіздердің қолдауларыңыз қажет. Егер мені Бартоғай ауылдық округініңң əкімі етіп сайласаңыздар, алдағы 4 жылда ауқымды жұмыстар атқаратын боламыз.

Менің сайлауалды бағдарламамның негізгі бағыттары:

– Қазақстан Республикасының заңдарының, Қазақстан Республикасы Президенті мен Үкіметі актілерінің, орталық және жергілікті мемлекет органдарының нормативтік құқықтық актілерінің орындалуын жүзеге асыру үшін қызмет жасаймын;

– Ауылдық округтің көркеюіне, халықтың әл-ауқатын көтеру бағытында жұмыс жасауға, әлеуметтік мәселелерді үнемі назарда ұстауға; 

– Округ тұрғындарының таза сапалы ауызсумен қамтылуына;

– Ауылдардың абаттандыру жұмыстарын жандандыруға;

– Қоғамдық тәртіптің сақталуына және сыбайлас жемқорлықпен күресуде, қай салада болмасын жемқорлық әрекеттерге жол бермеуге, адамдарда жемқорлық әрекеттерге төзбестік ахуал қалыптастыруға, ұрлыққа қарсы құқық қорғау органдарымен бірлесе жұмысты күшейтуге;

– Жастардың тұрақты жұмысқа орналасуы мен мемлекеттік бағдарламаға белсенді қатысуын қамтамасыз етуге;

– Жастар – ел болашағы. Сондықтан біз халқымыздың бай, рухани адами құндылықтарын өскелең ұрпаққа табыстауымыз керек. Бұл дамып келе жатқан әрбір қоғамның миссиясы. Сол себепті жастар саясатын қауқарлы жүзеге асыруға;

– Округ тұрғындарын еңбекпен қамтудың негізгі бір діңгегі – шағын және орта кәсіпкерлікті дамытуға және сол арқылы жаңа жұмыс орындарының ашылуына, жұмыссыздықты жоюға атсалысып, кәсіпкерлікті дамытуға;

– Еліміздегі саяси тұрақтылықтың, ұлтаралық және дін аралық келісімнің нығаюына;

– Саламатты өмір салтын насихаттауда жастар саясатының тиімді моделі – округ бойынша өркендетудің құралы – мәдени демалыс орындарының тұрғындарға қызмет көрсету жұмыстарын жандандыруға;

– Туризм саласын дамытуға және инвестиция тартуға бар ерік-жігерім мен мүмкіндігімді саламын.

Бірлік пен татулықтың, береке мен дамудың алтын бесігі болып отырған Бартоғай ауылдық округінің дамуы үшін өз үлесімді қосуға дайынмын!