Жақында Есік гуманитарлық-экономикалық колледжінде «Бөбек» ҰҒПББСО және аталмыш колледж ұжымының ұйымдастыруымен «Білім беру ұйымдарының тұтас педагогикалық үдерісіндегі өзін-өзі танудың метапәндік рөлі» тақырыбында республикалық әдістемелік семинар өтті. Оған Алматы облыстық білім басқармасының және аудандық білім бөлімінің басшылары, Алматы, Қарағанды, Ақтөбе облыстары мен Алматы және Астана қаласы пилоттық мекемелерінің педагог қызметкерлері қатысты.
Жақында Білім және ғылым вице-министрі Елмира Суханбердиева Есік қаласындағы орталық мәдениет үйінде орта білім мазмұнын жаңарту бағдарламасы туралы түсінік берді. Оған аудан аумағындағы білім мекемелері басшыларынан бөлек Талғар, Ұйғыр, Панфилов, Райымбек аудандарынан да арнайы делегация ат басын тіреді. Келелі жиынды Алматы облысы білім басқармасының басшысы Ләззат Базарқұлова жүргізіп отырды.
«Тізерлеп жүріп түңілткеннен, тік жүріп өлген артық» деген елміз. «Жауға жалынба, досқа тарылма» деген де қазақ. Ендеше, дұшпанға тастай қатты болу, досқа балдай тәтті болу – қанымыздағы қасиет. Осындай құдіретті намыс сан соқпақта сүрінсе де, құламады. Қайта алмас қылыштай тас шауып қайралды. Ел мен жерге, ар мен ұжданға келгенде атқа қонды ерлерім айбарлы. Қазақ тарихында Қарқара көтерілісі атауымен қалған сонау 1916 жылғы оқиға ғасыр өтсе де жадымызда жаттаулы. Ұзақ Саурықов, Жәмеңке Мәмбетов, Жаңабай Құдайбергенов, Қазыбай Шарманов, Әбубәкір Сұлтанбеков сынды батырлар, Т.Бокин, Ж.Ниязбеков, Т.Рысқұлов, Ә.Жангелдиндей қазақ зиялылары патша жарлығына қарсы шықты. Себебі, жарлықтың көксегені отарлау еді. Демек, 1000-нан астам қол жинап, Ереуіл төбеге келіп ту тіккен ерлеріміздің есімі жадымызда мәңгі.
«Біз бүгінгі бейбіт тірлігіміз үшін, Қазақстан деп аталатын Республиканың жер бетінде барлығы үшін тарихтың әр тұсында осы елді, осы жерді қорғаған қайсар жандардың әруағының алдында қашанда қарыздармыз». Мемлекет басшысының осы бір өрелі ойы Тәуелсіздік жолында құрбан болған бабаларымыздың арман-үмітін ақтағандай. Иә, олар ел басына күн туғанда етігімен қан кешті. Сондықтан болар, ерлік – елге мұра. Сол мұраны қадірлеп, тарихын танымаған жан, текті ұрпақ боп жарымайды.
«Тәуелсіздік. Келісім. Болашағы біртұтас ұлт. «Мәңгілік Елге» апаратын басты құндылықтар міне, осылар» – деді Елбасымыз Қазақстан халқы Ассамблеясының кезекті ХХІV сессиясында. Осыған орай жақында ел қалаулылары Қазақстан халқы Ассамблеясының мүшесі Асылы Осман, ҚР Парламенті мәжілісінің депутаты, жерлесіміз Зағипа Балиева ауданға ат басын бұрды. Жұртпен емен-жарқын жүздесті, сессияда қабылданған патриоттық актіні жан-жақты түсіндірді. Кейіннен аудан әкімдігінің мәжіліс залында кеңейтілген отырыс өткізді. Оған аудан атқамінерлері, халық қалаулылары, ақсақалдар алқасы, әйелдер кеңесі, ҮЕҰ төрағалары қатысты. Келелі кездесуді аудан әкімі Бинәлі Ысқақ жүргізіп отырды.
Қайғы-қасіретімен халықты зар жылатқан Отан қорғау соғысы Жеңіспен аяқ-талғанда:
Қан майданды қақ жарып,
Аман келсе жауынгер;
Ауыл түгел қарсы алып,
«Нағыз ер» деп таныды ел.
Келмей қалса біліп пе ең,
Өзіңдей жас арыстан.
Тосып ана үмітпен,
Қабырғасы қайысқан.
Әр ауылда бірі әкеден, бірі баладан, бірі жардан, енді бірі бауыр-туыстан айырылып, аза тұтса да, азат күн орнаған қуанышқа тәубе айтып, бейбіт күннің берекесін беріктеуге жұмылды. Жанды жадыратқан Жеңістің шуақты нұрын шашқанына да, міне, 71 жылдың жүзі болыпты.
Кез келген Тәуелсіз мемлекет алдымен сыртқы және ішкі қауіптерден қорғану мақсатында қуатты әскер құратындығы белгілі. Оны күн санап түрлене түскен қару-жарақ, техника және мамандармен қамдап, қорғаныс саласын үнемі дайындық үстінде ұстайды.
«Тірлік басқа болса да тілек бір, саусақ бөлек болса да білек бір». Бәйдібек би бабамыздың осынау ұлағатты ойы ғасырлар сүрлеуінен сүрінбей, жылдар желісімен қайта жаңғырғанына көзіміз куә һәм өзіміз куә. Одан әріге көз салсақ «Тату елге – тыныштық пен тоқшылық нәсіп» деген Күлтегін. Беріге мойын бұрсақ «Бізде бірлік болып, іс қыла білетін шебер табылса, Алаштың баласы бақыт-махаббат жолына түсті» деген Әлихан Бөкейхановтың арманы бүгін орындалды емес пе? «Татулық арқылы – тұтастыққа қол жеткіздік» деген Көшбасшымыз Нұрсұлтан Әбішұлы ел тізгінін қолына алды. Өрлеу мен өркендеудің сыры – бірлікте екеніне әлемнің назарын аудартты. Қазақстан халқы ассамблеясының 24-ші сессиясында Елбасымыз «Мәңгілік ел» патриоттық актісін қабылдағанда да: «Мәңгілік ел, бұл – Жалпыұлттық бірлік, бейбітшілік пен келісім» деп астын сызып атады. Демек, асқақ арман жолындағы әр қадамымызда тұрақтылық тұтқасына сүйенбесек, сүрінетініміз тағы бар. Себебі, қиындық атаулыны жеңетін бір-ақ күш бар, ол – бірлік.
Забег на Президентскую милю (2400 м) среди учителей школ района 23 апреля состоялся на центральном стадионе г.Есика. Эти соревнования проводятся с 2000 года и в этом году были посвящены 25-летию Независимости Республики Казахстан и Дню Великой победы. Их спонсировал районный филиал ОО «Алматинская областная организация казахстанского отраслевого профсоюза работников образования и науки». За всю историю забег-2016 был самым массовым - в нем приняли участие 207 преподавателей. Легкоатлетов приветствовал и пожелал первенства на финише директор ДЮСШ района А.Сыргабаев.
Аудан орталығында ел Тәуелсіздігінің 25 жылдығына орай мәдени-көпшілік шаралар жиі ұйымдастырылуда. Осы игіліктің жалғасы ретінде жуырда Есік қаласында мерекелік велошеру өтті. Шараға тұрғындар, қала мектептерінің оқушылары мен колледж студенттері, оқытушылар және мекеме қызметкерлері қатысты.
«Саяжайда адам өлтіріп кетіпті» – деген алып-қашпа әңгіме аудан тұрғындарын, әсіресе, қалалықтардың зәресін алды. Бұл – істің байыбына бармай, бәз-біреулердің ойдан шығарған өсегі. Негізінде, саяжайда ешкімді өлтірмеген, керісінше осындай тосын оқиғалардың алдын алу мақсатында Ұлттық Қауіпсіздік комитетінің аудандық бөлімі терроризмге қарсы оқу-жаттығу өткізді өткен аптада.
1986 жыл. 26 сәуір. Азамат тарихында өз масштабы бойынша ұмытылмас із қалдырған техногендік әрі гуманитарлық қасіретті апат – Чернобыль атом электр станциясының /АЭС/ жарылысы болған күн. Айдаһардай аузынан ажал отын шашқан алапат апатты ауыздықтауға атсалысқандарды алып демей не дейміз? Ертегідегі кейіпкерлер іспеттес олар осыдан 30 жыл бұрын өмірде көзге көрінбей жалмайтын ажалмен айқасты. Сондықтан да бұл күн Чернобыльдік халықаралық еске алу күні болып тарихқа енді.
«Дені саудың – жаны сау» – деген сөз бекер айтылмаса керек-ті. Спортты жанына серік еткендер ауру-сырқаудың не екенін білмейді әрі саламатты өмір салтын насихаттайды. Шыны керек, бүгінгі жастарымыз зиянды әдеттерден аулақтап, спортпен шұғылдануда. Түрлі жарыстар ұйымдастырып, бүлдіршіндерге үлгі болуда. Жақында осындай мақсатта Есік қаласындағы дене шынықтыру-сауықтыру кешенінде баскетболдан Алматы облысының чемпионаты өтті. Екі күнге созылған жарысқа облыс аумағындағы 10 ауданнан 10 команда қатысты.
Ұлы Отан соғысындағы Жеңістің жетпіс жылдығын атап өттік өткен жылы. Ат төбеліндей қалған сол соғысқа қару алып қатысқан ардагердің әрқайсының атын атап, жеңіске қосқан үлесін айғақтап, үлкен саяси-патриоттық науқанды жүргізуге белсене араластық. Үздіксіз соққан желдің екпінімен тоқтаусыз сырғып бір шағылдан екіншісіне көшіп жатқан құмдай уақыт дегенің өте шықты сол 70 жылдың Жеңіс тойынан соң. Енді міне, биыл Берлиннің Рейхстагына ту тіккен Ұлы Жеңістің 71-жылына да санау-лы ғана күндер қалды. Осы аз уақытта мүмкіндігінше ардагерлерге түгел аралап шықпасақ та телефон шалып, аман-есендігін тілейік деген ниетімізді сезгендей баласын автокөлік рөліне отырғызып, Алға ауылынан ардагер атамыз, батагөй ақсақалымыз, талай жеңіс шерулеріне қатысқан Солтанбай Жарықбасов өзі жетті Есік қаласына. Этажға өрмелетпей төменге түсіп сәлем бердік ардагерге. Жеңіс күні қарсаңында келіп сұхбат алып кетейін аға, – десем екі күннен кейін өмір жолын, әскери қызметін хатқа түсіріп өзі әкеп тұр Ұлы Отан соғысының ардагері. Ыңғайсызданып, неге қозғалдыңыз, Алғаға өзіміз-ақ баратын едік деп қипақтасам «аяғым жүріп тұрғанда қайтып үйде отыра аламын» деп қолыма төменгі мазмұндағы мақаланы ұстатып Алғасына аттанды ардагер Солтанбай ата. Назарларыңызға сол кісінің өзі туралы әңгімесін ұсынамыз.
Мен 5 жасымнан анамнан жетім қалып жалғыз өстім. Басымнан аштықты, жалаңаштықты өткіздім. Осы өткен қиыншылықтарды біздің ұрпақтарымыз көрмесін. Ол үшін әр азамат ар-намысын, Отанға деген сүйіспеншілігін жоғары бағалай білуге, ұл-қыздарымыз текті, инабатты, кішіпейіл, білімді еңбекпен жалғастырып өз дәстүрлеріне, дініне берік болуға ұмтылғаны абзал.