Мектепте адамдардың көп болуына байланысты оларды эвакуациялауғаұзақ уақыт қажет. Сондықтан оқу орнында өрт болған жағдайда қауіпсіздіктің алғышарттары орындалуы тиіс.

Олар мынандай:

• Өрт болып жатқан бөлменің есігін жабу қажет.
• Өрт болып жатқаны туралы дабыл қағу.
• Ғимараттағы адамдардың барлығы белгіліенген жерге жиналып, бір-бірін түгендеп отыру.
• Дабылдан кейін өрт сөндірушілерді шақыру қажет.

Өрт сөндірушілер келгенде мынаны білу керек:

Қай жерде, қай бөлмеде өрт болып жатқанын.

Ғимараттағы адамдардың бәрі құтқарылғанын білу керек.

Мектептегі өрттен құтқару тәртібі:

1.Дабыл қағу

2.101 телефонына қоңырау шалып, өрт сөндірушілерді шақыру

3.Құтқару

4.Жинақталу

5.Түгендеу

Дабыл: Кез келген адам (мұғалім, оқушы, күзетші) өртті көргенде жедел дабыл қағу керек.

Құтқару: Дабылды естісімен, оқушылар сынып жетекшілердің бағыттауымен бір-бірлеп сыныптан шығып, белгіленген жерге жинаулары қажет. Құтқару кезіндегі қажетсіз есіктерді жабу керек.

Жиналыс: Жиналатын жерді алдын ала белгілеу қажет. Онда келгендер – сынып оқушылары немесе адамдар тобы жан-жаққа шашырамай, бір жерде болулары қажет. Сосын әр сынып жетекшісі оқушыларын түгендейді.

Өрт кезіндегі тәртіп ЕРЕЖЕСІ: Өрт болып жатқан бөлменің есігін жауып кетіңіз. Өрттен қашқанда басқа адамға да айтыңыз. Әсіресе, өрт жайлы мұғалімге хабар беріңіз. Эвакуация жасаңыз.

Егер өрт қауіпті болмаса, өзіңіз өрт сөндіру құралдарын қолданыңыз.

Құрметті мектеп басшылары,  сіздерді білім беру орындарында өрт қауіпсіздік ережелерін сақтауға шақырамыз!

А.Қондыбаева,

Еңбекшіқазақ ауданының ТЖБ

бас маманы, азаматтық қорғау подполковнигі