31 мамыр - мәні терең, тарихта алар орны ерекше күн. Бұл күні саяси қуғын-сүргіннің, ашаршылықтың, жалпы, репрессияның құрбандарын еске аламыз.
Өткенін қадір тұтып, тарихына тағзым ететін ел ретінде мемлекетіміз тәуелсіздік алған алғашқы күнінен бастап зұлмат құрбандарының есімдерін мәңгі есте қалдыру үшін тиісті шараларды жүзеге асыра бастады.
Бүгін “Nur Otan” партиясы Алматы облыстық филиалы төрағасының бірінші орынбасары Г.Тойлыбаева, Еңбекшіқазақ ауданы әкімі, аудандық партия филиалының төрағасы Ә.Жақанбаев, “Nur Otan” партиясы Еңбекшіқазақ аудандық филиалы төрағасының бірінші орынбасары Қ.Байғоджаев, аудандық мәслихат депутаты, аудандық мәслихат хатшысы Б.Ахметов, аудандық мәслихат депутаты, аудандық партия филиалының консультанты Б.Рахимов, Қорам ауылдық округі әкімі, Қорам БПҰ төрағасы Т.Еменбаев Еңбекшіқазақ ауданы, Қорам ауылындағы қуғын-сүргін құрбандарына арналған ескерткішке гүл шоқтарын қойып, бір минут үнсіздік сақтады. 
Қазақстанда 1918-1933 жылдар аралығында түрлі мәліметтер бойынша 3 миллионнан астам адам қаза тапқан, оның ішінде 1931-1933 жылдары 1,7 миллион адам көз жұмған. 100 мыңнан астам қазақстандық 1937-1938 жылдарғы репрессия құрбаны болған.
1997 жылы Қазақстан Республикасы Тұңғыш Президентінің Жарлығымен 31 мамыр - Саяси қуғын-сүргін құрбандарын еске алу күні болып жарияланды.

А.Ғабиден,

“Nur Otan” партиясы

Еңбекшіқазақ аудандық филиалының консультанты