Бүгінде  35 мыңға  жуық тұрғыны  бар  Шелек ауылдық округі уақыттың тегершігімен бірге  түлеп, түрленіп келеді. Өткен жылы бұл елді мекеннің саябағына  сән кіріп, бірнеше  әлеуметтік нысандар қайта жаңғырған еді. Биыл да сол жайдарман жаңалық жалғасын таппақ.

Жақында Шелек жұртшылығы асыға күткен дене шынықтыру-сауықтыру кешенінің құрылысы басталды. Жобаға сай қос қабатты кешен ғимаратында 180 орындық көрермендер залы, 18/12 метрлік жаттығу залы,18/12 метрлік бокс залы,18/15 күрес залы, әкімшілік және қосымша  қабинеттері бой көтермек. Аталған кешен құрылысына бюджеттен 1 млрд 836 млн теңге көлемінде қаржы қарастырылған. Құрлыс  жұмыстарына  жауапты «СП НЕФТЬ» ЖШС-і жоспар бойынша 2023 жылы спорттық нысанды пайлануға бермек.

Дене шынықтыру-сауықтыру кешенінің құрылысының жұмысымен танысқан аудан әкім Қуат Сұлтанғазиев мердігер мекемеге бірқатар міндеттерді жүктеді. Мердігір ұйым өкілдері аудан әкіміне кешен құрылысын бастау үшін 367 түп ағашты кесу керектігін айтып, оның орынына 3670 түп ағаш отырғызылатынын жеткізді. Бұл ретте Қуат Елеусізұлы:

– Міндеттелген істеріңізге жауапкершілікпен қарап, барлығын сапалы және уақтылы орындаңыздар. Бұл бірегей аумақ ерекше күтімді талап етеді. Аумаққа қылқан жапырақты  ағаштар отырғызу қажет», – деді. Аталған дене шынықтыру-сауықтыру кешенінің бой көтеруі Шелек өмірі-мен іргелес жатқан ауылардың спорттық әлеуетіне күш қосады деп күтілуде.

Е.АСЫЛ.